عليكم السلام ورحمة الله وبركاته
لازم تهدىء كثير وتفكر بهدوء أكثر
انت تعرف اهلها وابوها وامها كيف نظامهم واهتمامهم بأولادهم وسمعتهم بينكم ؟
بما إنك مقتنع بأهلها وعارف تربيتهم ودينهم لاتخاف
بالنسبة للمكالمات
البنت عايشه بين اهلها وفي بيتهم واكيد إنهم حريصين وماعطوها جوال إلا لثقتهم إن شاء الله فيها
ليه بعد ماسألتها عن اللي تتكلم معه وقالت لك زميلتك مانبهتها وقلت لها ماأحب المكالمات المتأخره
وقلت لها عن كل وجهة نظرك بالموضوع وشوف بعدها تسمع كلامك ولا لا ؟
بالنسبة للعباية والمظهر الخارجي
ماكنت سألت عنها أمك واخواتك قبل ؟ ماقد قالك أحد عن سلوكها ومظهرها
وتعاملها بما إنها تقرب لك ؟
هل أمها عندما كانت معها مثل لبسها أو البنت فقط لبسها بهذا الشكل ؟
دائماً نقول البنت تطلع لأمها ( في اغلب الأحيان ) يعني مهما صارت غييير
إلا وترجع للشي اللي ربتها أمها عليه
فكرة الطلاق الغيها من بالك نهااااائياً بما إنه كل الموضوع مجرد ظنون وشكوك
صحيح إنت شفت كيف عبايتها ولبسها وكلامها لكن صدقني مو سبب يخليك تفكر بالطلاق
بكره تجي في بيتك وتتعامل معها وتقدر تكسبها وتكسب قلبها وتصير انت كل شي بحياتها
بس حاول تجذبها وتحببها في الخير بطريقة حلوه جذابة
والبنت لما تحب صدقني بتنسى كل شييي
وبتسمع منك
انتبه ياأخوي الشيطان الحين جالس بينكم لأنكم مقبلين على حلال وخيييير
شغله الشاغل يغير عليكم حياتكم وينكدها وماراح يرتاح إلا لما تنفصلون الله يبعد عنكم الشر
انت استخرت الله وتوكلت عليه واهلك كلهم مؤيدينك توكل على الله و
ادع ربك يهديكم جميعاً ويسخركم لبعض
وأخيييراً
صحيح العمر مو مقياس لكن البنت للحين تعتبر صغيرة نوعاً ما
الصديقات ومجتمعهم يغيرها قليلاً
هي محتاجه فقط لمن يسمعها ويمسك بيدها وانت إن شاء الله قدها
ألف مبروك مقدماً وربي يوفقكم ويجمع مابينكم بخييير ويبعد عنكم الشيطان وكل شر
ويارب يرزقكم بالذرية الصالحة المعافاة ..
التعديل الأخير تم بواسطة غـاليــة ; 12-07-2008 الساعة 04:01 AM
السبب: رد السلام