منتدى عالم الأسرة والمجتمع - عرض مشاركة واحدة - بنتي خلاص بتجنني..الله يخليكم سااااااعدوني

08-07-2008, 06:37 AM

#21

soo_soo

قلب المنتدى النابض

تاريخ التسجيل: Apr 2006

المشاركات: 1,171

بالاضافه لحلول الاخوات انصحك تاخذيها لمحل ملابس و تخلينها تختار ملابس داخليه

عليها صور شخصيات تحبها و حسسيها ان هالشي رهيب و قولي لها يا بختك بتلبسي هذي الملابس

هذي احلى ملابس بالدنيا يا سلاااام بس نبهيها انها تخرب لو وسختها و انها بتخسرها

أو ان الشخصيه الكرتونية بتزعل منها إذا توسخت و شوفي إذا بتهتم.. الاطفال خيالهم وااااسع و بتصدقك..

و بالنسبه لإنها تنسى نفسها عند التلفزيون.. إذا ماقدرتي عليها و جلست تصرخ و تبكي خليكي هااااااديه

ولا تصرين عليها.. يعني الحين انتي عرفتي انها ماراح ترضى تقوم تروح الحمام و هي متحمسه مع الفيلم

طيب خليك عارفه و اول ما يخلص خليها تروح قولي لها روحي بسرررعه قبل لا يبدا اللي بعده..

و شجعيها و بوسيها إذا رجعت و قولي هذي حبيبتي هذي الغاليه صارت كبيره تفهم.. (و ياليت يكون هالكلام

قدام الأهل او ابوها مثلاً)

و إذا بنتك عنيده خليك اذكى منها و روحي انتي للغرفه الثانيه و ناديها بصوت عالي يا فلانه حبيبتي تعالي ابيك

كأنك بتطلبي منها شي (علبة مناديل مثلاً) و هي راجعه دخليها الحمام و انتي تتكلمي و تحكي لها

سالفه.. بدون نقاش و خناق لا تحسسيها انك تأمرينها و ياويلها لو ما سمعت كلامك لا..

و ممكن تدخليها الحمام و تجلسيها على الكرسي و انتي تسولفي بدون ما تطلبي منها انها تقضى حاجتها و هي بتسويها