أخى الصغير
أعرف تماما ما تمر به فقد مر اخوتى به قبل سنوات وهم الآن متزوجون ولديهم أطفال والحمد لله عقبالك يارب.
شوف بقى انت لسه بدرى على الحب الحقيقى لكن انت دلوقتى فى فترة مراهقة وزيادة ولخبطة هرمونات ليس أكثر وأوعدك ان بعد ثلاث اربع سنين من دلوقتى هتفتكر كلامى ده وتضحك وتقول كان معاها حق. انت دلوقت متلخبط ومش عارف تفهم نفسك ولا مشاعرك كل اللى انا طالباه منك انك تفهم وضعك وتتفهم المرحلة العمرية التى تمر بها. وجميل ان تعيش مشاعر الحب لكن بشرط الا تسيطر على عقلك وحياتك فلا تفكر الا بها وتهمل باقى حياتك. انت شاب فى مقتبل الحياة العب واخرج وافرح وروح المسجد صلى وصاحب أصدقاء كويسين وافرح بحياتك وخلى موضوع الحب ده على الهامش ليدفعك للأمام حتى تتفوق فى دراستك وتعجب كل البنات .
وكل ما تييجى لك فكرة حبك لها قول لنفسك ( ده تأثير الهرمونات لكن مش ممكن يكون حب حقيقى) يمكن كلامى يضايقك وتعاندنى وتقول هأثبت لك ان كلامك غلط فلو عايز تثبت انه غلط اتفوق فى دراستك وحسن من اخلاقك حتى تنال اعجابها وتبشرنا بعد كام سنه بخطبتها وان شاء الله هأكون أول واحده تبارك لك.