شوف موضوعك عجبنى جدا وهأحكى لك عن تجربتى الشخصية.
أنا وزوجى اختلفنا فى تسمية أول مولود لنا . أنا كنت ناويه من قبل زواجى انى لو جاء ولد أسميه............ وما كنتش محدده اسم للبنت وجوزى كان نفسه يسميه ............. وفضلنا نتشاكل لحد قبل ولادتى بيوم لدرجة انى قلت له خلاص خليه جوا فى بطنى ومش منزلاه!!! ( هزار طبعا)
ولكن هو لما شافنى قد ايه تعبت فى الولاده واتعذبت لقيته من نفسه بعد الولاده بيسألوه هتسمى المولود ايه فقال لهم على الاسم اللى انا اختارته . وانا للآن أقدر له هذا الشيء وزادت محبتى له جدا . ووعدته ان المولود الجاى ان شاء الله نسميه الاسم اللى هو عايزه . بس للأسف ما قدر الله لنا الانجاب بعد ولدنا حتى الآن والحمد لله على كل شيئ.
فانت أكيد وصلت لك الرساله وزى ما تحب لأن فى الآخر التسمية هى مسؤلية األأب ولكن دى حاجه ذوقيه والله يقومها بالسلامه وعقبالى.