حبيبتي هدي شوي
طبعا وما بدي تخافي لو الدكتور ما شاف انو في داعي للفحص ما طلبه
نصيحتي اكثري من قراءة القران على بطنك وراجعي دكتور تاني
تجربتي مع اول طفلة بتاكد انو دائما الاطباء بيكبروا حجم المشكلة تحسبا لاي ظرف
دكتوري بعد فحصي على اجهزته الدقيقة افاد انو عند الجنين تضخم حاد في الكلى وبالكلى ثقوب وووو
طبعا نفسيتي كانت الله اعلم فيها
راجعت اكتر من جهه لحد ما ربنا هداني لطبيب بيعرف يتعامل مع الناس ونفسياتهم
حكالي بالكلمة روحي يا بنتي كملي حملك كامل لانو هلأ ما في اي اشي بيعملو اي انسان الك
وبعد الولادة الامور كلها بتبين بس انتو ما تنسوا تعزموني على عرسها !!!!!!!!
كملت حملي لانو المنطق بيحكي اني ما رايحه انزلها ولا ممكن الاطباء يعملو ا اشي بالمرحلة الحالية
وبعد الولادة راجعت الاطباء ليتبين الامور انو طفلتي معها تضيق في الحالبين وهمو اللي بيضغطوا على القاعدة مما يودي الى تصرف بطئ للسوائل علشان هيك بين انو عندها انتفاخ بالكلي والحمدلله الف مرة ما كانت الكلى هي المشكلة
عملوا عملية لفتح الحوالب واعادة ربطها بالطريقة الصحيحة صح انو الامور كانت جدا صعبة بالبداية وحتى نفسيتي تاثرت ولحد الان كل الهرمونات تغيرت وانقلب عندي الرحم من الخوف وعانيت لمدة 6 سنوات علشان يصير الحمل التاني بس ربنا بيصبر الواحد لانو مؤمن وبنعرف انو كل امر المسلم خير عملو فحص لوظائف الكلى وكانت الامور تمام والحمد لله الان هي عمرها 8 سنوات عروس ما شاء الله
من تجربتي
1. اتركي حملك على الله
2. استفيدي من اكثر من رأي
3. ان شاء الله كل مشكلة والها حل
4. ( مهم ) دائما فحص الجنين داخل الرحم لا يعطي قراءات 100%
5. انتبهي لنفسيتك لانك حامل وبكرة ان شاء الله لما تقومي بالسلامة ديري بالك لحتى ما يصير معك مضاعفات بالرحم او او او
الله يكتبلك الخير ويربط على قلبك وان شاء الله ان شاء الله ان شاء الله ما تشوفي اللي انا شفته
امين يا رب