بالنسبه لي ماأصدق تجي نهاية الاسبوع عشان أقعد مع زوجي وعيالي ونطلع وناخذ الاغراض اللي نحتاجها ونتمشى ونغير جو لان طول الاسبوع دوام وبصراحه أحب أقعد معاه أكثر من روحتي لأهلي وزوجي نفس الشي يحب أكون موجوده معاه أغلب الوقت أزور أهلي يوم الاربعاء من بعد المغرب لحتى نصف الليل وأرد لبيتي ماأدري صراحه شي غريب الاسبوع 7 أيام 5 منها مع زوجها ويومين مع أهلها وش له الزواج أجل إذا الوحده ماتبي تستقر ببيتها وتداري زوجها وتشوف طلباته تودداً له نهاية الاسبوع هي المتنفس الوحيد للموظفين ولما يجي الواحد نهاية الاسبوع يبي يرتاح وينبسط مع زوجته يلاقيها عند اهلها وهو قاعد في البيت لوحده يومين صعبه شوي في نظري لأني ماأحب أقعد في البيت لحالي وزوجي عند أهله يومين فمن باب أولى هو أكيد مايقبل أقعد عند أهلي يومين خاصه إذا كان راغب بوجودي