الله يكون بعونكم

اكيد صعبه

الله يثبتكم وينصركم ،،،، يعني هم ما يصير احنا قاعدين بمكاننا
و الله منعم علينا بنعمه الامان و انتو احتلال وفوضى و قتل وتشريد وخطف و تفجير
و اغتيالات
بس الواحد يعددها قلبه يوجعه
لعد شلون اذا كان عايشها
اكيد قلوبكم خلصانه و الدنيا طالعه من عينكم



ما يصير نقعد نعتب عليكم



احنا المغتربين قلوبنا قست و تقاطعنا و ما عاد بقلوبنا رحمه على بعض
الله يكون بعونكم والله

بس هم حبيت اذكرك و اذكر نفسي
انه الناس ما تتقاطع و بالازمات لازم يكونون ايد وحده
ما يضيع عند رب العالمين
و هاي الامور الماديه و المعنويه صحيح مؤذيه
خاصه بعقل الانسان القاصر
لكن لقمه بسيطه اقل القليل يكفي
المهم الامان النفسي
وهمه من اجو يمكم ما جايين بطرانين لو جاين يشمون هوا ويغيرون جو
لعد اكو واحد يعجبه يترك بيته و مكانه ويجي يضايق على نفسه وعلى الاخرين
غير من ضيمهم جايين
و انت تقول الله مفضل عليهم و معطيهم
مو سهله الواحد يلقى نفسه
خايف على روحه وعلى زوجته
يا اخي هذوله اهلكم قطعه منكم و اخو زوجتك مو غريب


طبعا ما بيها حرج و ما بيها شي اذا اتفاهمتو حتى تتسهل اموركم انتو الاثنين
يعني تقعدون قعده انت وياه
بليا النسوان تعرف النساء عاطفيات وخاصه بمثل هالمواقف
وتحكي وياه
تقول له انه الوضع صعب و شغلتكم مطوله و احنا مثل ما انت شايف
حابين تقعدون وياناو نحطكم ببطن عينا بس سامحونا علتقصير هاي امكانياتنا

ومثل ما انت شايف الحياه صعبه وغاليه
ولو كنتو قاعدين ببيتكم اكيد حتصرفون على نفسكم

حتى الكل ترتاح و تزيد فتره بقائكم عدنا من غير ما نضايق على احد

و اذا انت مثاقل خلي زوجتك تحكي وياه مو اخوها
بس تحكي وياه بينه وبينها بليا ما تحس زوجته
و انت هم سوي نفسك ما تعرف

شوف اي الطريقتين انسب و طبقها
بس ما يصير تقعد انت وزوجتك بهلنفسيه


و ان شاء الله
الازمه تنفرح وما تبقى بالنفوس الا المعامله الحسنه و الوقفه الحلوه بين الاهل و اذا ضاعت عند العبد
ما تضيع عند رب العالمين

الله يفرجها عليكم و على امه محمد

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)