انتي قلتي شئ مهم... انه في بلدك عادي.. وفيه بلده لا... طيب ماتدرين عن الكلام اللي يجي زوجك.. خصوصا انه ساكن عند اهله..


وانتي احين شيلي من راسك اهلك.. وذكريات الماضي.. كيف كنتي... خلاص الماضي شئ وانتهى... والحمدلله انتي ام وزوجة وهذا الشئ يفتقدونه الملايين من البنات.. ملايين الملايين من البنات تتمنى لو تعيش ساعة من حياتك.. تعيش ام وزوجة...


احمدي ربك على م نعمه.. والجأي الى الله بصدق واخلصي له الدعاء... و وربي يفرجها.. واصبر الدعاء يجي بالصبر... مو بالعجلة...


وصدقيني اعرف وحده عندها ملايين الملايين.. وبيت وزوج واطفال... وتقدر تطلع وسواق.. وكل شئ... لكن عيالها كلهم مرضى مضطره ما تطلع من البيت البنته.. تقولي عشت 12 سنة ما خرجت ولا سافرت ولا شئ... تقول من اطلع عيالي يمرضون ...وامراضهم خطيرة



وفيه كثير بنات في بيوت اهلهم.. ولكن عمرهم ما شافوا ابدا.. المطاعم ولا دخلوها.. وعانسات.. ومعذبات في حياتهم اهانة وغيره.. لا طفل تضمه ولا زوج تشوفه.. جالسه بين اهانة اخوانها وحريم اخوانها.. وضرب اطفال اخوانها لها..



صدقيني لي قريبه كذا عايشة.. لدرجة ممنوع حتى تلمس اطفال البيت..ساعات يحبسونها بالغرفة.. ويمنعونها من الجلسة معهم.. ولا تلمسهم.. يعتبرونها نجسه..هذي حرمة اخوها كذا تسوي فيها..

ساعات من الخوف تخاف تنام بالدور الارضي لحالها تجي تنام باللممر اللي قدام غرف نومهم..على كرسي... والكل يسبها..



وصديقتي شابة..25 متزوج من 6 سنوات.. زوجها ممنوع تلفزيون.. ممنوع راديوا.. ممنوع النت.. ممنوع المكالمات التلفونية.. ممنوع الطلعه للسوق.. ممنوع زيارة الاهل...ممنوع تطلع للجارات. تخيلي مسجونه... وهو يطلع من الساعة 6 ويرجع الساعة 3 الظهر ينام يقوم مع صلاة المغرب يروح يزور امه ويجلس لين الساعة 11 او 10 بالليل... ويرجع ينام.. تخيلي مافيه احد تتكلم معه ابدا... والله حالها رعب ..


والله يعينك

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء