الزواج مسؤلية وروتين أكثر من الوناسة ..
يعني مثلا:
أنا زوجي طيب طيب طيب طيب لأبعد الحدود,, لكن أحس بملل بحياتي..
أقول لك برنامجنا اليومي:
من الساعة 7 الصباح أقوم مع زوجي عشان أجهز له الفطور وبعدين يطلع للدوام
يرجع من الدوام الساعة 5 العصر أحط الغدا ونتغدا مايمدينا حتى نشرب شاي بعد الغدا إلا أذن المغرب..
يطلع للصلاة وبعد الصلاة يروح لأمه وما يجيني إلا بع صلاة العشاء..
يجي للبيت خلااااااااص تعباااااان يبي ينام لأنه صاحي من الصباح !!!
وأنا مالي إلا الشغل والكرف ترتيب وتنظيف وطبخ وغسيل وكوي وبعدين إهتمام بنفسي
عشان يشوفني دقيقتين وينام..
والأربعاء والخميس عند ربعه بالإستراحة!!
وإذا تذمرت له من الوضع يعطيني وجه كم يوم وبعدين يرجع لطبعه,, وهذا أنا لي سنتين على هذا الوضع..