معقوله هذي اجاباتكم؟؟؟
يعني بس انا المتزوجه الوحيده الي احس بالروتين والملل؟؟؟
اذا الحياه الزوجيه روتين واحيانا ملل مو يعني اني تعيسه في حياتي
ولا يعني اني ما احب زوجي وزوجي ما يحبني
مو يعني اني انا وزوجي مو متفاهمين
بالعكس الحياه الزوجيه مثل اي حياه ثانيه مثل حياتك في العمل حياتك مع اهلك
احيانا نحس بروتين وملل
والا ليه الناس في الاجازه يسافرون مو عشان يغيرون جو ويغيرون من الروتين؟؟؟
شيء طبيعي الروتين والملل
بس مو اني مليت من حياتي ومن شريك حياتي لا
مليت من الروتين الزوج في الشغل ومن الشغل للبيت نتغداء نسولف نضحك
نوم بعدين نفس الشي الرجل في العمل الزوجه ترتب البيت تطبخ الغداء
الرجال يرجع من العمل نتغداء نسولف شوي حتى لو طلعنا مع بعض تعشينا ورجعنا
برضو روتين
بصراحه انا اذا حسيت بالملل والروتين احب اروح عند اهلي يومين اغير جو وارجع لزوجي
واذا في اجازه سافرنا
واذا الخميس والجمعه اخذ انا وزوجي شاليه نغير جو وكذا
بس الروتين شي طبيعي في الحياه الزوجيه
وكل زوجين لازم يمر الروتين في حياتهم شي طبيعي لازم
حتى لو متفاهمين ويحبو بعض ويضحكو ويمزحو مع بعض لازم الروتين
والملل طبعا مو الملل من الشريك ملل من الروتين فقط لا غير