بصراحة كلام الاختين زهرا واسيل كلام جدا منطقي ويدل على رجاحة عقلهم جزاهم الله خير
ونصحوك نصيحة اخت لاختها
ولا تفرطي فيها ابدا

وانا راح اكرر لك هيا
كل ماحبيتي اخته واحسنتي معاملتك معاها
وحننتيه عليها وعلى اهله كلهم
هو راح يحبك اكثر
وغير كذا ربي راح يسخرلك زوجة اخ تحبك
وراح يجي اليوم إلي تلاقي فيه ولدك يحب اخته مثل ما ابوه يحب ويقدر اخته


واهم شيء ان اخت زوجك تحبك
يعني مهي انانية وبتستغل زوجك ولا انها تحاول انها تنغص عليك
لو كانت كذا كان قولنالك لا لازم من الان تتفاهمي مع زوجك وماتعطيها مجال تسيطر عليه وتتحكم في حياتكم اكثر من كذا ومن هذا الكلام
ولكن مدامها هي طيبة وتحبك يعني تستاهل الحب الذي يكنه لها زوجك
ولذلك اهتمي بها واشعري زوجك انك تقدرينها وتحبينها كما يحبها هو
لان الزوجة تكبر في نظر زوجها لما يحس انها تقدر اهله وما تغار منهم


واذا انت متضايقة لانه ماياخذ رايك وانك تحبي انك تنقي الشيء بنفسك حاولي انك انت تروحي معاهم لما يكونوا رايحين يشتروا شيء يخصك وانت اسبقي زوجك في استشارتها وبالتالي هي راح تعطيك رأيها وانت حتقتنعي و شوية شوية حتتخلصي من هذا الشعور

واحمدي الله ان رزقك بزوج فيه خير في اهله واضمني انه حيكون فيه خير فيك بإذن الله

اختك