شوف يا أخي

إذا عندك قدرة واستعداد إنك تعدلها وتغيرها فكمل الطريق معاها

واذا لا والله ماعندك استعداد وتبغى تتزوج عشان ترتاح فاستخير الله واتركها

شوف يا أخي
انا حأكلمك من واقع تجربة تجربتي انا وزوجي والله يشهد على كل كلمة أقولها وان ماقصدي منها الا الخير والسعادة لكم انتو الاثنين

النوع هذا من البنات _وأنا منهم_ مدلعات ، طلباتهم مجابة ، عنيدات يسووا اللي في راسهم ومايقتنعوا بكلام أحد ، حساسات جدااا ، زعولات

النوع هذا من البنات يا أخي الكريم ماينفع معاهم من زوج المستقبل أسلوب تعامل مثل أسلوب تعامل أهلهم معاهم

أولا لازم يتسم أسلوبك معاها بالصراحة المطلقة + حزم الرجال اللي يخوف البنت وفي نفس الوقت مايجرحها ولا يحسسها بالاهانة بالعكس يحسسها بالامان وانها في حماية رجل تقدر تأمن نفسها معاه ، فهمتني؟

أولا لازم تتأكد من عدة أمور :

1. غرضها الحقيقي من الزواج والارتباط هل هو بناء أسرة سعيدة والحفاظ عليها أم أسباب أخرى ؟

2. هل لديها استعداد للتضحية بأي شئ مقابل زوجها وبيتها ؟ بمعنى لاقدر الله صادفتكم ظروف مادية صعبة هل راح توقف مع زوجها وتبيع ذهبها وتتخلى عن كل شي تحبه وتتحمل انها تنحرم من المصروف والهدايا والدلع والخرجات و ...الخ عشان زوجها ولا بتتخلى عنه وتروح بيت أهلها ؟

3. هل هي فتاة تقدر الكبير وتحترمه ؟ بمعنى هل تحترم أمها وأبوها ولاترفع صوتها عليهم ، ولاترد على جدتها مثلا وجدها في حال انهم جرحوها بكلمة ( تعرف كيف الكبار في السن محد ياخذ على كلامهم )

في حال تأكدت من هذه الامور الثلاثة نبدأ مرحلة الاصلاح و(ترويض) الفتاة لما تريد وترغب وتحب ويحب كل رجل

أولا أسلوبك معاها لازم يكون صريح وحازم ، تصرفت تصرف ما أعجبك تقول في ساعتها ماتكتم في قلبك تقولها يافلانة ترى زعلت منك مرة لما قلتي كذا وانا احب زوجتي تكون كذا وكذا وخلي لهجتك حازمة مافيها تهاون

ثانياً وضح لها كلللل اللي تتمناه في زوجة المستقبل عشان تهيأ نفسها انها تكون مثل ما انت تريد مو مثل ماهي عليه انا شخصيا استخدم معايا زوجي هذا الاسلوب لاني اكررره احد يملي علي الاوامر وقتها اعاند لو قال سوي كذا تلاقيني ازعل واعاند لكن اسلوبه كان رائع معايا قال احب زوجتي تستقبلني بمنظر حلو و ... الخ حطيتها في بالي ونفذت كللل اللي يبغاه مني من غير أوامر منه

ثالثاً كان زوجي يقولي انا راح اروضك .. كنت ازعل لكنه مايسكت على طووول يعقب كلمته بكلمة تطفي ناري وتبردني كان يقولي لاني أحبك وأموت فيكِ وإنتي تحبيني وتموتي فيا راح نعيش حياة سعيدة وانا عارف انك تحبي تحسي برجولة زوجك وسيطرته عليكي وعارف كمان انك تشوفي قوة الانثى في ضعفها وخضوعها لزوجها عشان كذا انا راح اروضك

يعني بمعنى آخر تستخدم معاها اسلوب تقرير قناعاتها مهما كانت وتطويعها لرغباتك انت

زوجي قرر قناعتي بانه قوة الانثى في ضعفها ، وطوعها لرغبته في ترويضي والسيطرة عليا وهو الوضع الطبيعي لقوامة الرجل على المرأة

نجي للنقاط اللي انت اثرتها في موضوعك

اذا زعلت لاتستسلم لزعلها وتروح تراضيها لا ، ناقشها على طول في وقت الزعل وقولها يافلانة انا وجهة نظري في الموضوع كذا وكذا وانا كان قصدي من تصرفي كذا وكذا لاتفهميني غلط وتفسري الموضوع على كيفك ترى كذا احنا الاثنين بنتعب


تضايقت قليلا وقلت لامشكلة

الا مشكلة ونص ومليون مشكلة كمان

يا أخي لاتسكت عن الغلط شي زعلك وضايقك على طول قولها يافلانة بعتي الجوال اللي اهديتك اياه ؟ حسافة كنت احسب ان الشي اذا جا مني بتتمسكين فيه لانه اختياري وفيه ريحتي وماراح تفرطين فيه بس للاسف شكلي آخذ بنفسي مقلب .. يعني على طول عاتبها بطريقة تحسسها بالذنب وبعدها باذن الله ماراح تعيدها

اهم مافي الحياة الزوجية المصاااااااااااارحة فلا تتهاون فيها


كان رديت عليها وقلت لها الغالي يرخص لك يالغالية لكن تعرفي كيف الواحد لما يجي يتزوج ويجهز لزواجه يحتاج لكل هللة وانا الله يعلم كيف بدبر الفلوس اخذت قرض من هنا وتدينت من هناك و ... الخ اشرح لها كلللل شي بالتفصيل الممل وحطها في الصورة .. واختم كلامك وقولها بس لجل عين تكرم مدينة والمبلغ بيكون عندك بكرة

كذا توضح لها وضعك المادي ، وفي نفس الوقت تحسسها بغلاتها عندك


جوابك لم يكن صائباً فهي تنتظر الجوال منك وعلمت أن لديك القدرة لاحضاره حتى وإن لم يكن الآن وعدم احضارك له يشعرها بعدم مصداقيتك

والاجدر بك أن ترد عليها فتقول فتاة أحلامي لاتهتم بسفاسف الامور ولاتقارن نفسها بزميلاتها بل ان اهم مالديها راحة زوجها وطاعته ورضاه ، هل فهمت صديقاتك وجهة نظرك هذه ياعزيزتي؟

أنت بهذا الرد تفحمها ، فانت وضحت لها ماتريد في فتاة أحلامك ثم قلت لها هل وضحت لصديقاتك وجهة نظرك ، بمعنى انك يازوجتي الحبيبة لاتهتمي بسفاسف الامور و .... الخ

كذا راح تستحي على دمها وتتراجع بما انك ذكرت انها انسانة حساسة

ماراح تظن انك بخيل الا اذا رفضت طلباتها من غير مبرر

لكن الحل انك توضح لها وضعك المادي وهي بنفسها ماراح تطلب بعد كذا اذا كانت تحس على دمها

الحل كما سبق وأخبرتك ان توضح لها بالتفصيل معاناتك في تجهيز المبالغ اللازمة للزواج ووضعها في الصورة والدليل قولك

قل لها الهدية وحفاظك عليها تعكس اهتمامك بمن أهداكٍ اياها ، وعقد الملكة كان جميلاً في عنق والدتك ، ولكنه على جيدك كان أروع ، فهل بالامكان ان لا اره الا عليك؟

هذا ما لدي حاليا وقد اعود

اتمنى من الله لكما السعادة والتوفيق