السلام عليكم ورحمة الله وبركاته
اشكر كل من مر على الموضوع ودعا لي واسئل الله انا يفجر همومي وهمومكم
اول حاجه ..
[mark=CCCCCC]انا مع اخوي سطام اكيد في سر
وبعدين حرام امك جوازها فيه مشكله يعني ولا مره راحت لاهلها صعبه اكيد مشتاقه لاهلها
والله الغربه صعبه حتى لو كانت بين زوجها وعيالها مافي مثل الاهل وخاصه الام والاب خلوها تروح يمكن ترتاح نفسيتها وتغير رايها[/mark]
اختي العروس .. اول حاجه ام امي ياما جات السعوديه ولا فكرت تسأل عن بنتها ماغير انها زوجتها ولا عاد كلمتها وامي هيا الي بتسئل عليها .. امها كل ماكلمتها تطلب منها فلوس وشغلات والمشكله هي مو محتاجه.. وامي اصلا ماتحب امها يعني راحت ولا ماراحت مايهمها بس هيا كدى ماتبغى تجلس معانا.. وهيا تبغى تروح من غير رجعه .. وشاكره جدا مرورك والله يوفقك ويرزقك الذريه الصالحه .. امين يارب
____________________
[mark=CCCCCC]الله يكون بعونك حبيبتي حاولي تتكلمي معها وتساليها ليش تبغى تسافر او اكتبي لها رساله تحنن قلبها عليكم وشوفي وش بيكون ردها ....... والله يكتب لكم اللي فيه الخير يااااااااااااااااارب[/mark]
اختي ميااااااا.... والله اني جلست ياما معاها وياما اتكلمت لاكن كل ما اتكلم تجلس تصرخ فيا .. وياما جبتلها هدايا ورسايل مالقيت منها ولا كلمة شكر .. وعلى تحنن قلبها ولا عمرها حنت علينا كلنا بنعاني من حالات نفسيه بسببها وانا سارت عندي حالت اكتئاب والسبب هيا .. ياما فضحتني بدون اي سبب وتبغيها تحن مافي فقلبها حنيه ...
اشكر لك مرورك والله يوفقك لما يحب ويرضى .. امين يارب
_____________
[mark=CCCCCC]عفوا هل هي مريضه نفسيا
خليها تسافر تقعد كم شهر وفي الاخير بترجع بيتها مافي احد يتحمل احد الايام هذي يعني حتى اهلها
ممكن ان الكلام كله تهديد قولي بابا قال خلاص اوراقك قربت تخلص وبتسافري وهو خطب وحده وحزنيها على سوته فيكم وكيف بتعيشوا مع مرت ابو ووو
يمكن تحزن عليكم بس الله يستر لا تروح تعند اكتر عاد استشيري ابوك هو ادري بطبعها
وكان الله في عونكم
لاتنسي الاستغفار[/mark]
اختي سويتي...والله ما ادري مين الي مريض نفسيا احنا ولا هيا .. هيا تبغى تسافر نهائيا وقلتلها انو بابا قال اوراقك بتخلص وراح تسافري وماترجعي و و و و .. تقلي عادي انا ابغى افتك اصلا ما ابغى اعيش هنا.. اقلها ايش السبب تقلي كدى طفشت..المشكله هيا ماتشكر النعمه الي هيا فيها يعني بابا عاملها ومسويلها ويشتريلها ويوديها ويجيبها لاكن عيا ماتشكر.. وكل خير نسوي لها تردو لنا شر ..
جزاكي الله خير وادخلك من اوسع ابواب جنانه .. امين يارب
_________
الاخ ابو وضحة ... شاكره لك مرورك
[mark=CCCCCC]أمك طرأ عليها تغير مفاجئ ... سببه شي لم يكن موجودا في السابق أو أنه كان مستورا وبدا يظهر ... [/mark] من ناحية طرى عليها شي مفاجئ هوا طرى تغير في تصرفاتها. وتصرفاتها بدون اي شبب تغيرت ..
[mark=CCCCCC]فيبدو أن هناك من يحاول أن ينبر وينقب عن جروحها .. ويهولها في نظرها حتى بدات تطفش وتظهر تذمرها الذي كان مكبوتا داخلها ... حتى أتى أحدهم فأظهر الخافي والمستور ...[/mark]
هيا من يومها وهيا متذمره مافي يوم يعدي الا والبيت صراخ بسببها بسبب ولا بدون سبب المهم تجلس تصرخ يعني ماخلتنا نرتاح مره لا نعرف نزاكر ولا نسوي اي شي ولما اقلها خلاص مافي شي يستاهل بترفع صوتها اكتر وبالزات لو في بابا ولما يقول ايش في تحط السبب فيا دايمن حتى لو ماكنت انا السبب...
[mark=CCCCCC]أسرعوا بإنجاز معاملة جوازها .. وأرسلوها إلى أهلها دون طلاق ..[/mark]
هيا الي تبغى تتطلق.. وماتبغى ترجع ..
[mark=CCCCCC]حتى يطيح اللي براسها ... ومن ثم تعود لكم كما كانت من قبل ..[/mark]ماشفت منها شي كويس غير يمكن انها ربتني وانا صغيره وما ادري ايش من تربيه الله يصلحها بس
[mark=CCCCCC]ولا أعتقد أن أمرأة تصبر على فراق زوجها وبناتها ...[/mark]
هادا هوا الشي الي بيجنني لاكن ما اقدر اقول الا الله يعين وبعدين انا اصلا ما ابغاها تجلس بس ماحبيت ابين لها..
جزاك الله خير.. وادخلك من اوسع ابواب جنانه.. امين يارب
اشكركم كلكم على مروركم.. وجزاكم الله خير
__________________
التوقيع من تصميمي والي يبغى توقيع يقلي وانا بسويلو من عيوني
طبعا من غير دورات ولا شي يعني على قد حيلي 
التعديل الأخير تم بواسطة بديني افتخر ; 20-04-2008 الساعة 11:47 PM