اقتباس:
المشاركة الأصلية كتبت بواسطة alaaldeen2008
الأخت الفاضلة لو نضع بعض الإضاءات على كلام صاحب المشكلة لنرى أين الانانية التي تتدعونها :
أخبرها و أفهمها و لمح لها و يحبها و هي تعرف وضعه و تقدر ظرفه و هو لا يريد أن يخسر زوجته فأين الانانية بربكم ؟؟
ولا تحرّموا ما أحل الله سبحانه و ضمن الضوابط الشرعية المذكورة
و الله المستعان
|
بارك الله فيك اخي علاء الدين ونفعنا و إياك بما تكتب
حكيك أخي على راسي و بحترم كثير قلمك وكتاباتك ومتابعة لمواضيعك الي بعلم الله كم استفدت منها
اول شي خيي لا تقولني شي ما قلته
ما حرمت ولا حللت شي وشرعنا واضح وما بحاجة لتفسير
يا اخي الله يرضى عليك لست من الناس الي بتآمن بشي في القران وتترك شي
وكل القران دستورنا والحمد لله
ثاني شي فسرت حضرتك الموضوع على كيفك وانا اقتنعت بوجهة نظرك
طب خليني قولك كيف فسرت ان الموضوع
طبعا بشهري الرابع من حملي والي عم احكيه واقع بعيشه هلا
وبمكن زوجة الاخ كمان
الرجال بيحب زوجته
زوجي كمان بيحبني
شو بدي انا بكلمة بحبك اذا ما شفت هالحب على شكل تصرفات
اذا ما رحم ضعفي وألمي وأنا بحاجته ما بدي هالغراميات وا لمسجات والورود مدري حمرا مدري بيضاء
فترة الحمل بعني قلة نوم بعني أرق
جرب حضرتك ما تنام بس يوم وروح شغلك كيف عم تحس
خوف من شي جاي <<<
يا ترى هالبيبي كامل لخلقة يا ترى عنده شي مو طبيعي
تلخبلط هرمونات ووحام
ترقب حيرة وألم ظهر ومعاناة الله وحده يعلم فبها
هي بتقدر وضعه<<<
أليس من الانانية انو هو ماقدر وضعها
بحترم في زوجي شي ويخليني والله لو يطلب عيوني فداه قلبي وعمري والله ما بتأخر
إنسانيته وما عم يكلفني شي فوق طاقتي
ليش الرسول عليه افضل الصلوات اوصانا ثلاث مرات بالام مقابل واحدة للاب
تقدير لعذاب لالام وتضحياتها
ليش احنا كبشر عاديين نحرم المرأة هذا الحق
شو بتعرف حضرتك عن آلم الطلق خيي
شو بتعرف سهر الليالي ونومة منها مرتاحة
خوفك انو تأذيه للجنين بيخليك تصحى لتغير وضعية نومك
في نساء بتعاني من إستفراغ اعزكم الله
وانعدام الرغبة بللاكل
وكره شديد يا إما للزوج او المكان
هذه بربك كيف نطلب منها معاشرة وحقوق شرعية
طب قبل الحقوق وين الواجبات
مراعاة نفسيتي التخفيف عني مساندتي
ليش هالاحاسيس كلياتها ما إلها مكان عندكم
على فكرة بتحسر كثير وقت اقرأ مواضيع بس عن الرغبة الجنسية
وكأنو الزاوج بس ثخت
الزواج اسمى من هيك وأرقى
الزواج سكينة مودة ورحمة وتآلف وعشرة
وما اللقاء الشرعي الا ترجمة لكل الاحاسيس الحلوة
واخيرا ليش انتزعت لرحمة من القلوب
بتمنى ما تزعل من حكي
وبعيد اكررها يضرب هالحب اذا من النوعية
الله المستعان
ام وليد
__________________
اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين
التعديل الأخير تم بواسطة سلامات يا قلبي ; 18-04-2008 الساعة 06:00 PM