السلام عليكم

انا تعرفت على شب وعرض علي الزواج وهو متزوج وانا بعرف مرته واولاده بس هي مش صديقتي بس بصراحه كنت بحبها وهي بتحبني وبحترمها وبتحترمني وكنا يمكن كل شهر مره نحكي مع بعض تلفون
المهم لمه كان زوجها يعرض علي الزواج انا كنت بتقرب منها اكتر علشان ما اسمح لنفسي اني افكر فيه واني اتزوجه
المهم سيطر علي في النهايه وبعد معاناة ووافقت وصرت احكي بيني وبين نفسي ليش ما اتزوج في شو رح اضرها ما رح احرمها منه ولا احرم لولاد من ابوهم وربنا شاهد على كلامي وانا من حقي اني اتزوج ويكون الي بيت واسره كوني انا بنت مطلقه ووصلت لعمر 30 وانا بنت جميله ومثقفه واجتماعية بس للاسف ما ايجاني النصيب الي بدي اياه انا والي اوافق عليه المهم وافقت عليه وتزوجنا بالسر لحد الان متزوجين بالسر وانا حامل الحمد لله رب العالمين ومبسوطين وزوجي تقي وعادل وكريم وطبيعي انا وقفت كل المكالمات مع زوجته لمه قررت اني ارتبط فيه وربنا يجيب الي فيه الخير وربنا يكون معها يا رب لمه تعرف انه تزوجنا واقسم بالله قلبي معها ولمه زوجي بكون عندي واشعر انها بتتصل فيه اكتر من مره بصير احكيله روح روحلها وخلص والزوجه بتشعر في زوجها واكيد في شي مزعجها خلص روحلها وكون جمبها في هاي الساعه والحمد لله رب العالمين زوجي بحبني كتير كتير وانا بحبه وبموت عليه ولمه بكون في السوق وبعجبني لبس اطفال هو عنده طفله صغيره بشتريلها كاني شاريه ل بنتي ولناس غاليه على قلبي وربنا يجيب العواقب سليمه يا رب وانا بتصور انه رح نصير صحبه انا وياها لمه تعرف اكيد اولها رح تزعل ومش رح يكون الموضوع سهل بس هي طيبه كتير بس والله زوجي هو الي كان يقنعني بالزواج يعني بالعربي الفصيح مش انا الي درت وراه واني بدي زوج او من هالحكي لا حد الله وربنا شاهد على كلامي هو حبني وضله وراي وراي وراي لحد ما اقنعني ووافقت

الزوجه الثانية