تكفون شورو علي جعلها في موازين اعمالكم >>>>مهمووومه
السلام عليكم وبعد
انا سبق طرحت موضوعي وماقصرتوا اسأل الله العلي القدير ان يجزيكم كل خير وجميع القائمين على هذا المنتدى الرائع
المهم كنت شكيت لكم من اهمال خطيبي لي بعد الملكة لمدة 3 اسابيع لاحس ولا خبر
بعدها كلم اخوه اختي طبعا هو خطيب اختي يعني ماخذين اخوان
وبدا يراسلها ويكلمها ومهتم فيها ماشاء الله تبارك الله عليهم
كنت اموووت 100 مره لما يتصل فيها واكيد مو حسد لأختي بس قهر من اخوه اللي هو زوجي مانيتة يسال عني او يكلمني
تخيلوا قررت اختي انها تفاتح زوجها في موضوعي مع اخوه وكان متفهم مرررره وقدر موقفها انها اختي وحاسة فيني >>>>> لاكن مايدري ان عندي علم
يعني قالت له من وراي طبعا مارضى بتصرفات اخووه وكلمة من غير مايحس
ان لي طرف بالموضوع وساله اذا كان كلمني او لا طبعا قال اني استحي ؟
طبعا زوج اختي جلس يشجعه ويضغط علية انه لازم يكلم زوجته (انا) وانه راح يكلم اهو اختي اليوم
يعني يشجعه المهم قفلت جوالي وللأمانه انا كنت مقفلة جوالي من العصر من قبل هالموضوع
عشان ماانقهر زيادة من تطنيشه و وجلست اكل في نفسي بعد ما قفل منه زوج اختي كلم اختي وقال انه مستحي وكلمتة وقفلت منه وهو يقول بكلمها
لما درت اختي ان جوالي مقفل خانقتني طبعا انا كنت عاهدت ربي اني ماافتح الجوال الا بعد ثلاثة ايام
من قبل السالفة طبعا فهمت اختي زوجها ان جوالي لعب فية ولد اختي وحرق الشريحة وماتقدر نطلع غيرها الا بعد
يومين لين يخلص اخوي الأختبارات
تمت الأمور على كذا وجيتكم افتح الجوال الا الرسايل هابة من كل الناس الالالالا هوه مادز ولا مسج
وفي الليل قرر اخيرا يرسل وماتتخيلوون فرحتي ورديت علية وجلسنا نتبادل المسجات من الساعة 11:30 الى 12:30 وكان بين المسجات ان جواله انفصل ورد الخدمة لما عاتبته على تاخر الرد على رسالتي وقعدنا لحد ماجا وقت نومه طبعا اعتذر وقال يبي ينام وانه جاي من سفر وبكره اللقا طبعا مسيت علية بكل حب وتوادعته
جا الصبح رحت دوامي ارسلت مسج وسائط اصبح علية
بصراااحة كنت ابي اهتم فية عشان يحبني ويتقرب مني ومر اليوم ولا حس ولا خبر
وجاالليل وارسلت عتاب وسائط ومارد
لحد ماارسلت مسج نصي وقلت فية (ممكن تطمني على نفسك ) وتقول ش السالفة
مرت الليلة من غير رد ومر اليوم الثاني اللي هو اليوم بدون حس
تقول اختي يمكن جواله مفصول قلت يالله بس اليوم نزلت الرواتب واكيد بيسدد جواله
والله العظيم فيني هم مايوصف اللهم لا اعتراض على حكمك
اسفة طولت عليكم
بس جا ببالي طريقة (((((ابي استشيركم فيها تكفووون )))))
طبعآ اهو ما شافني الا النظرة الشرعية بس
فقلت اذا جلس كذا مارد علي بادق علية واخلية يجي البيت اتفاهم معه
بصراحة ابي اشوف اهو يبيني والا احد غاصبة والا ش السالفة لاني انسانة حساااااااااااااااااااااااااااااسة لدرجة كبيرة ومااتحمل احد يلعب بمشاعري هذي وحده
والثانية عشان يشوفني زين ويروح الخجل ويتعلق فيني ويذوب اللي بينا
بسسسسسسسسسسس خايفة يقول عني جريئة ومناديتني ومن هالكلام وانتم تعرفون الرجال وانا والله همي ابي اعيش بسلالالالالالالالالام
ولو يطلب مني عيوني عطيتة لاكن يكون يستاهل التضحية
>>>>>اسفة على الأطالة لاكن والله هذا كل اللي بقلبي وما اقدر اصارح احد غيركم <<<<<<<<<<<<<
تكفووون ردو وش رايكم ماابي اندم على شي