المشاركة الأصلية كتبت بواسطة ولهااان

اقولها لك على قولتهم على بلاطه لأنه احيان الحل يحتاج يكون قاسي لأجل يحس الواحد ويجيب نتيجه تنفع معاه ....
انت تتدلع وربي انعم عليك بزوجه كذا وقاعد يتقلب مزاجك من حالك في حالك ... كان الله بعونها عليك ... يا اخي حتى لو كنت تعاني من ضغوط ماهو ذنبها ان عندك ضغوط ولا لها علاقه بمشاكلك ... وكثير من الرجال تلقاه يدخل البيت اذا جا من الدوام ونفسه براس خشمه وعذره الدوام .. تعبت بالشغل .. تهاوشت مع مراجع والا زميل عمل .. الجو برا حر وينرفز .. زحمة الطريق وانا راجع .. اقساط البنك أو اي التزام مالي ... وش لها ووش للأشياء هذي بنت الناس مفروض ترمي كل الأشياء هذي عند عتبة البيت قبل لا تدخل عليهم وكلامي هذا مو موجه لك انت بس الا لكل واحد تنعكس الضغوط اللي يعانيها على زوجته وأهل بيته وهم مالهم ذنب ...
عموما اخي الفاضل تخيل لو انت تعاني من هالتصرفات اللي فيك تعاني منها من زوجتك اي هي تتصرف مثل ماتتصرف انت ... كان بدل ماتكب موضوعك وتقولي مزاجي متقلب نلاقيك كاتب موضوع ساعدوني زوجتي مزاجية هل اتزوج عليها أو اطلقها ... رفقاً بالقوارير ...