منتدى عالم الأسرة والمجتمع - عرض مشاركة واحدة - هكذا بدأت حياتي الزوجية00 الله المستعان0

03-05-2004, 12:25 AM

دمعة الماسة

عضو نشيط جدا

تاريخ التسجيل: Jan 2004

المشاركات: 222

اختي الكريمة ...

في رايي الشخصي ان اللي تفكرين فيه شيء مومنطقي والصبر مفتاح الفرج صح ان الزوج يضايق زوجته لما مايكون رومانسي معاها بس هذا مومعناته انها تخليه وتمشي ... ولاتنسين الطفل اللي في احشائك يحتاج حق ابوه ولو شنو اتسوين مابتقدرين اتعوضينه حنان الاب ... فحرام عليك تجنين على نفسك وعلى طفلك بهذا التفكير وإذا كانت مشكلتك ان زوجك مايتكلم معاك .. انت حاولي اتبدين يعني كلميه عن الامور اللي يحبها شوفي شنو ممكن يستحوذ على اهتمامه وتكلمي فبه أو كلميه عن دوامه أو اي شي ثاني يخصه وشوي اشوي راح اتشوفين زوجك يترك الامور الاخرى ويتعود يتكلم معاك ... أما عن الكلام الحلو فغالبا والله اعلم يكون الزوج متأثر بطريقة تربيته في البيت يعني إذا ماكان يسمع هذا الكلام يبيله وقت عشان يتعود عليه معاك وبعدين يصير مايستغني عنه ...

أما عن موضوع ان زوجك دايما يقول انه يبي يتزوج عليك فغالبا كل الازواج يقولون هذا الكلام بس هذا مومعناته انهم بيسون هذا الشي .. وانت اذا قال انه يبي يتزوج عليك قولي له والله لو اتلف الارض ماتلاقي وحدة تحبك مثلي ومن هذا الكلام الحلو عشان ينسى الفكرة

وصدقيني ياأختي الوحدة في مرحلة الحمل تزداد حساسيتها لابعد حد واللي فهمته من كلامك انك بعيدة عن اهلك عشان جذي تتحسسين من اي موضوع اكثر عشان جذي انصحك بطولة البال عشانك وعشان الطفل وإنشاءالله يتعغير زوجك ... بس انت ادعي له