اختي غلا نسال الله انه يسخرلك زوجك ويحنن قلبه عليك حالك زي حال كثير من الاخوات وحكايتك فالسوق ذكرتني بنفس حكاية صديقه لي تخيلي زوجها مو بس يتحسب ويدعي عليها مع ان هذا بحد ذاته كبير ومحرج امام الملا وكان الازود بحكايتها انه تقول سمعت صوته فالمحل كالعاده يلعلع بشتم وينادي باشين الالقاب وجيت بسرعه ابي اهون من صوته قالت يوم قربت وهو يتفل على وجهي قالت ومسحتها وبلعت لساني وكان شايل بنته عمرها سنه وشوي كان تناظر فيه البنت وتقول بابا ويوم طالع فيها تتفل عليه الله المستعان نفس ماسوى بزوجته قالت انا ذبحني الضحك راح وجهه الوان مع ان انا احمد ربي على الغطاء الي دس حالتي
فالي ابي اقوله لك ان ماتتخيلين زوج هالمره الحين كيف حاله معها اصبح مايكن لها الا كل احترام وتقدير وين ماتبي يوديها وقلبه عليها عسل مصفى تدرين كيف انحلت امورها
كانت تنتظره اذا جاء اخر الليل طبعا لانهم زي حالتكم زعلان عليها ماتبي تكلمه ولا تقابله تقوم تفرش سجادتها وتدعيله وترفع صوتها وهي تجهش بالبكاء عشان يسمع
ولاتروح له تخليه ينام وبعدين تطوي سجادتها وتترك الورقه الي مكتوب فيها الدعا وتكون كاتبه اسمه فالادعيه
وتتعمد انه يشوفها وعلى الحال ذا وقت طويل لانه طبعا زعلوه اذا زعل يكون بالاسابيع الشهور شي فعلا ماتتخيلين
واذا رضي عشان نفسه بس ولا هي ماتعنيله شي لكن فعلا لجات لربها وحلها لها لانه جدير بذلك وهو الذي امره بين الكاف والنون
وبعد ماتعدل الحال تقول انها تجنبت تواجهه باي مشكله لانه عصبي طبعا مايستجيب لاي مصارحه يقفل من اول كلمه
صارت تكتت الشي الي فخاطرها بورقه وتحطها له باي مكان يوصل له ولا اذا خارج الصبح لدوام تعطيه وتصرف وجها عنه
وفعلا تقول القى اجابه منه واحيانا يقولها انه ماكان مقدر هالثروه الي عنده واكثر شي اعجبه اسلوبها الخطاب كان رائع لانه فعلا بشهادتي لها كلامها درر وخصوصا اذا مسكت القلم و تقولين شاعره ماشاءالله عليها ولانه طبعا عمره ماخلاها تكمل كلمتين على بعضها من جنانه هههههه
وشوي شوي حتى عرفت حالته النفسيه وقدرت تتجاوب معه والا ان تخلصت من عصبيتوه الحين تقول صرت اقدر اواجه واكلمه فالي ابي واذا عصب اعرف المدخل الي ادخلوه حتى تسير الامور زي ماتبي
فالشاهد ان العصبيه تعتبر مرض وتحزنين على صاحبها لانه يفقد جمال اي شي امامهبسرعة انفعاله
فحاولي انك تسايسين امورك بهدوؤ اكثرواكثري من الابتسامه ونبرات الضحك امامه تراها من اروع العلاجات
اتمنى ماكون اطلت عليك واثقلت وطمنينا عليك اكثر الله يسهل امورك