اختي الله يهديك بس ..
هذا انتي اعترفتي بنفسك في السطور الاخيره انها من اتفه الاشياء اللي تتصادمون فيها مع بعض ..
اذا اتركي هذه الامور التافهه على قولتك ولا تضيعي وقتك فيها و تبذلي طاقه ومجهود فيها و التفتي على اشياء اكثر
اهميه تجلب لك ولزوجك السعاده والفرح ..
اختي كبري عقلك شوي .. لا تطفشين الرجال منك بسبب حبك للهدايا اللي على
قولتك حتى لو بخمسة ريال !!!
الهديه مو كل شي ولا هي رمز للحب .. افرضي ان زوجك من النوع العصبي ولسانه
زفر ويده طووويله ..
وكل ما هانك او مد يده عليك او طردك من البيت ورجع يصالح وجابك لك هديه تقدر
بالالف وش فايدتها ترى ما لها قيمه ..
الحب في المعامله الحسنه ..وخذيها قاعده الرجال يحب يقضي العيد مع اهله ولا
تنغصين عليه ...
شوفي اختي انا ما امدح نفسي .. لا والله .. بس ما احب اوجع راسي وانكد على
حالي وعلى زوجي بسبب هدايا .. وسخ الدنيا ..
انا صار لي متزوجه 24 سنه عمره زوجي ما حط في يدي عيديه مع انه كل عيد يوزع
الفلوس على عياله وعلى الشغالات وانا ما يحط في يدي حتى 100 ريال ..
يضحك ويقول لي ها امووره تبين فلوس ؟؟ يمكن ازعل شوي في خاطري واقول اللي
بيعطي ما يقول .. لكن ارد واقول له
انت يا بعد قلبي بالدنيا كلها وانت عيدي اللي ربي ما يحرمني منه ..
اخر مره اشتري لي قطعه ذهب جديده من قبل 17 سنه بعد ولادتي بابني الثاني ..
قبل سنه كانت سلسله امه الذهب مقطوعه وهي ساكنه عندي بالبيت وراح
واشترى لها سلسه جديده مره حلووه .. وجا لبسها امه .. وكان هو مبسوط لانه
امه مبسوطه وتدعي له .. رحت لها وقبلت راسها وقلت لها مبروك يمه والله انك
تستاهلين ..قسما بالله انه ما خطر في بالي اني ازعل او اتضايق..
بعدين مسكني على جنب وقال لي والله يا بنت عمي انا مستحي منك والله نفسي
اشتري لك ذهب بس انتي عارفه الظروف .. قلت له انا الامور الماديه عمرها ما
همتني انت عندي بالدنيا كلها ..
لكن قبل 3 شهور توفت امه الله يرحم موتنا وموتاكم وكانوا خوانه ببيعون ذهبها عشان
يتصدقون بقيمتهم وقام هو واشتري خاتمين و قلب والسلسله اللي هو شاريها لها و
عطاني ايهاهم عشان تظل ذكرى لامه .. والله اني انبسطت فيهم ..
ودايم البسهم واحس انه مبسوط اذا شافني لابستهم ..
خليك قنوعه اختي ... و اشوف انك ما تهدينه حتى لا تحرجينه ....
احمدي ربك ان مشاكلك على هدايا و اشياء تافهه على قولتك ..
شوفي المنتدى مليان مشاكل خيانه و ضرب و بلاوي ..
لا تخربين على نفسك اختي .. ولا تطفشين الرجال ..
التعديل الأخير تم بواسطة فيافي نجد ; 26-03-2008 الساعة 03:01 PM