حبيبتي ملاااك الف مبروك
اقولك على شي انا اتزوجت لغرفة ( الشقة كلها غرفة وحدة و فيها المطبخ و الحمام منفصل )
و طبعا عفش زوجي من ايام العزوبية .. و كانت من احلى الايام
والان لي سنة متزوجة و حامل و لله الحمد و عايشة ببيت اهلي و لسه ما عندي بيت
و الحين بدت الامور تنفرج و راح ناخذ شقة ايجار على الصيف بس اتفقنا نفرشها )second hand)
و نحاول نقلل من الصرفيات عشان نشتري بيت ملك و ساعتها نفرشه احسن فرش

مش عيب الوحدة توقف جنب زوجها
اهم شي انه يقدرها و يحبها و يهتم فيها
ايش الفايدة لو معاكي افخم بيت و احلى اثاث و زوجك مجنن فيكي
او يعرف عشرين ينت عليكي
او يهنيك و يهين اهلك ليل نهار
او تعامله زفت معاكي ...

اهلك الحمدلله مستواهم حلو و بيت اهلك حلو
بس فكري الوالد و الوالدة على طول صار معاهم بيت حلو؟؟ و لا الموضوع اخذ شوية وقت
والله حبيبتي صدقيني مافي احلى من التفاهم و المودة بين الزوجين و كل شي
جاي باذن واحد احد .. اهم شي انكم مرتاحين مع بعض
ماعليك من كلام الناس و لا تتضايقي ( اكيد راح تسمعي بعض التعليقات مثلا )
بس طنشي و فكري بس بزوجك و قد ايش هو يحبك و انتي تحبيه
و اكيد لما ظروفه تتحسن راح يجيبلك احلى و اغلى الاشياء

عارفة ايش احلى شي
لما الزوجين يتشاركوا مصاعب الحياة و يحسوا بطعم النجاح سوا
يصير بينهم مواقف و ماضي مشترك و يزيد احساس كل منهم بالثاني
الزوج المحب عملة نادرة هذه الايام ..

و اكيد انتي ما بتحسسيه انه مقصر ... لو حسيتي من كلامه انه حاسس بالذنب ..
هوني عليه و قولي له عادي بكرة راح تجيب لي احلى و احلى ...
هونيها عليه و على نفسك يا قمر

الله يوفق بينكم و يجمعكم عن قريب و يسهل اموركم ياارب العالمين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله