الطلاق - قد يكون بداية فصل ولكن ...؟
السلام عليكم ورحمة الله وبركاته
لقد توصلنا الى حل
وهو ( الانفصال )
الطلاق – ابغض الحلال الى الله
هل تؤيدونني والا
لازال لديكم حل
قبل فترة ياخواني واخواتي الكرام كتبت مقال الا وهو
( لحظة من- فضلك هل اطلقها )
في منتدى المتزوجين
http://www.66n.com/forums/showthread.php?t=150642
والى من قال ان الطفلة سيضيع مستقبلها
ويا من تعتقدون إني زوج فاشل
ويا من تحبون إيجاد حل لمشكلتي
ويا من تعتقدون ان لمشكلتي حل
في موضوعي السابق شكيت لكم من تصرفاتها والان اتصل بكم لاخبركم بما حدث بماحدث
المهم في موضوعي انني كنت متضايق جدا من تصرفات زوجتي والمتمثلة في كبريائها الزايد والعناد والاصرار في رغباتها وعدم تحمل الكثير من متطلبات الحياة الزوجية ولعدم سعادتي معها ووجود مشاكل انتهت بوضعها عند اهلها هي وابنتي لاجل ان تعيد حسابها مع نفسها وكنت في ذلك الوقت متردد في الانفصال لوجود بنت لي منها وقال بعض الاخوة في ه1ا المنتدى نصائح كثيرة ويعلم الله اني وضعت اكثرها نصب عيني ولكن
بعد ان تركتها عند اهلها حوالي ثلاثة أسابيع أرسلت لها رسالة وسائط طويلة بينت فيها كل ما أريد منها وكل ملاحظاتي وتركتها بعد الرسالة ولا ردت ولاشي المهم بعد حوالي أسبوعين اتصلت على تلفونها النقال
ولكن الصدمة انها لم ترد وفي ثاني يوم اتصلت ولا ردت (( فهنا اقول لمن رد علي سابقا وقال انهاسوف تتصل هي ؟؟؟ عندما تحس باهميتي واهمية منزلها))
وبعد اسبوعين تقريبا اتصلت ولا ردت وكنت اعتقد انني سأتناقش معها على أي شي يتعلق بالموضوع
او على الاقل اني اقول تبين شي خاصة اننا على ابواب عيد الاضحى المبارك ....
المهم طنشت هي ولاردت
بعد العيد بعشرة ايام اتصلت ماردت
بعد ذلك بعشرين يوم يمكن ... اتصلت ماردت
بعد ذلك اليوم بيوم واحد اتصلت باخيها الاكبر سلمت ..... بدات بالنقاش فاجاني
بكلامه الشديد وتحميلي الأخطاء ونسف جميع أخطأها علي؟؟
وقال أنني مخطئ ؟
طيب قلت ياخي اذا كنت مخطي واخطاؤها وتقصيرها اين تذهب اخذ يقدم المبررات وان المراءه ضعيفة وليس لها حجة الا ما تقوم به قلت له يعني عنادها قصدك معذورة عليه ؟؟
قال يارجل زين اللي غيرها تتبلى على زوجها وتكذب وتقول ضربني ؟؟
ابي منكم بس تحكمون كيف النقاش مع مثل هذه الشخصيات الغريبة هل ساصل معه الى نتيجة
المهم مالكم بالطويل من الكلام
وبعد مكالمة طويلة جدا معه طلبت منه ملخص للنتيجة قال مالك الاتتناقش معها مباشر ؟؟ قلت انا تصلت وارسلت لها ماردت كيف اتناقش معها وهي بها لشكل قال مالك الا النقاش معها شخصيا وفكر واتصل اذا استخرت ؟؟؟
قلت ان شاء الله وبعدها بكم يوم اتصلت عليه وقلت ابجي اقابلها بعد بكرة
المهم بعد ساعة من اتصالي واتفاقنا تلقيت رسالة من زوجتي المصون ؟؟؟؟
وش تتوقعون
الحاصل كان مضمون الرسالة اني مخطي واذا كانت زيارتي تتضمن اعتذار امام اخيها فاهلا وسهلا
اما اذا كانت للنقاش فان موقفي لا يتغير واني مثل ما انا ولا فيه داعي تعيد وتكرر – كما تقول وتقول اذا انت جاي بتقول لي كلامك السابق فرجاء لا تجي ؟؟؟ ؟؟؟؟ طبعا تقصد بكلامي السابق اني سبق اوضحت جزء من معاناتي ومشاكلي التي لم تحل معها الى الان – يعني فيما يبدو لي انها تريدني اجي واخذها واعتذر فقط ولا اقول الا انا غلطاااااااااااااااااااااااااااااااااااااان – رسالتها تبين لكم حجم المشكلة
اتصلت باخيها للاعتذار عن الحظور بسبب رسالتها لكنه لم يرد وعند يوم الغد وقبل الموعد بساعات ارسلت له مسج اني لا استطيع الحظور بسبب الرسالة لاني كنت جاي اناقش واحاول ايجاد حلول للمشاكل الموجودة بيننا
بعدها بساعة اتصل بي وقال انا متفاجي من الرسالة ثم استطرد يقول اني قلت انتي معك حق بس الكلام هذا قوليه اذا جاء وبالتاكيد انتي معك الحق
قلت ياخي هالكلام ماينبغي منك كيف تقول كذا ؟؟
صار بيننا خلاف في الكلام المهم اخذ يهدد بان الشي مو على كيفك قلت اشلون تهدد يعني قال اقصد لا تقعد معلقة والا باتصرف – يقصد يعني يشتكي
بالله كيف اوصل معهم لحل
قلت له مع السلامة سكرت السماعه زعلت مانمت تلك الليلة من القهر ومن الهم اللي صابني يعني ما توقعت ان الحياة فيها ناس بهالشكل وبعدين مثل مايقولون انا جاي انا مقبل عليكم ثم تردوني ؟؟؟؟
تركتهم سبوعين
وقبل اسبوع من الان اتصلت باخيها الثاني وطلبت مقابلته في الشارع العام
في الحي اللي يسكنون فيه قابلني قلت في نفسي بداية تلطيف للموقف ولكي بس اتطمن على بنتي واعطيه مصروف لزوجتي وابنتي
قابلته وشرحت له جزء من المشكلة وما كان عنده استعداد للتدخل وقال نفس الاسطوانه انا اشوف انك تتفاهم معها مباشرة ؟؟؟– المهم عطيته المبلغ وطلبت اني اخذ بنتي في الويكند قال طيب مع انه كان متردد ياخذ المبلغ قلت ياخي خذه هذا مصروف وليس له دخل بالمشكلة
المهم خذيت بنتي وشغالتي وجلست عند الاهل من الخميس الى الجمعة وبعد كذا جيت نزلتهم ومشيت
وبعد كم يوم كلمته وقلت وش رايك—( الاخ الثاني) لزوجتي ؟؟
قال انا قايل مالك الاتقابلها قلت طيب اليوم الثلثاء وانا بكره طالع لزيارة الاهل وعندي ارتباط وبداية الاسبوع المقبل ان شاء الله ابجي واتصل بك واجيكم البيت
كلمته بعد الاتصال بكم يوم وقلت ايش اخباركم وايش الجديد كنت اتوقع بيقول كلامه السابق يعني توقعت ان اللي براسها طاح وان الموضوع في بداية حل ولقيت مافيه غير العناد والمكابرة مثل ماقلت في بداية المقال
قال انها تقول انك وانك وانك وقلت اعتقد ياخي الكريم انني هنا بذلت جهدي واعطيت فرص كبيرة جدا للحوار ولحل أي خلاف وفيما يبدو انني هنا ساقف واقول الله يسهل لي ولها والله يوفقني ويوفقها لما يحبه ويرضاه وكل واحد يمشي في طريقه
يا خواني من اراد الحل ياليت يكون عنده خلفيه ولو بسيطه عن الموضوع اللي نشرته من شهريناو اكثر عندما وضعتها عند اهلها واتمنى وضع الرابط من احد الاخوة
في موضوع ( لحظة من - فضلك هل اطلقها )
انا الان على ابواب الانفصال فهل سيكون نهاية حياة صعبة وبداية اشراقة وامل جديد ام انها بداية جماقة واحزان وهموم مالها اخر وان الحريم مع احترامي للكثير منهن مثل بعض وستكون السعادة المنشودة بالنسبة لي محال انها بحق بداية فصل جديد وغامض لا يعلم به الا الله فاساله تعالى ان ييسر لي ويسهل اموري وامور اخواني الذين يسهرون الليالي من الكرب والضيق
املي الكبير في أي احد منكم ان يستعرض مقالي السابق ليعرف حجم المشكلة وبعض ماتم استعراضه هناك
والسلام عليكم ورحمة الله وبركاته
__________________
شبيت ضوي بالظلام في صحصح ذيبـه عـوى=ما لي أنيس الا النجوم أو نـور وضّـاح القمـر
دورت بالشدة حـزام ولا لقيـت اللـي قوى=يالله دخيلك ما لقيـت اللـي نشـد بـه الظهـر
التعديل الأخير تم بواسطة فيافي نجد ; 18-03-2008 الساعة 01:07 PM