سلاام يا قمر

يا ستي الموضوع يختلف من واحد للثاني
يعتمد على شخصية الطرفين و على نوع المشكلة كمان
في ناس تنقح عليهم كرماتهم شوي ( سواء ازواج او زوجات و في الغالب الازواج اكثر)
و يستنون الطرف الثاني يقوم بالمبادرة ( و حلني على ما يحصل الصلح اذا كان الطرف الثاني كمان معاند)

في ناس ما يحبون الاعتذار الصريح بس لو غلط راح يلمح لك انه خلاص نسي المشكلة
وفي و في و في ...

بس مالنا دخل بالناس
عن نفسي .. الحمدلله ماشاء الله ما اتخاصمنا كثير
اذا كان هو الغلطان .. ما يعتذر مباشر و يقول انا اسف
س مثلا يجي يكلمني باي موضوع .. اقوم انا اطنش المشكلة و اكلمه عادي)

او يتصل فيني و يقولي كنت معصب من كدا و كدا لا تزعلي .. ها ايش غذانا اليوم

بس لو انا الغلطانة . ماعرف كيف اصالحه صراحة
تلاقيني جنبه من جنب لجنب .. اذا ما فهم على نفسه و حضني ما اتكلم
و اخر شي اسوي نفسي مغمى علي او اني تعبانة و يجي هو مفزوع يقولي ايش فيكي
حبيبتي ...ساعتها اتمارض شوي و بعدين اقوم عادي و لا كانه في شي حصل

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله