شكرا اخواتي في الله على ردودكم لكن انا خلاص بديت احس ان مشكلتي مالها حل ابدا انا كلمته بكل حنية وبهدوء مرة وباحترام لأهله وحتى كنت انتقي كلامي علشان ما اغلط بحق احد لكن ردة فعله كانت غريبة وفيها شيء من القسوة حتى اي شي اقترحه عليه يروح يستشير اهله ولما ضاقت بي الدنيا مرة شكيت حق واحد من اخواني لكن قالي مثل ما قالوا الإخوة اللي بالمنتدى اللي ما فيه خير حق اهله ما فيه خير حق الناس بس انا مش اي ناس انا شريكة حياته صدقوني ما في فايده ووضعي كل ماله يتأزم اكثر وانصدم بأمور اكثر انا ضحيت كثير علشانه صبرت خمس سنين خطوبه شفت اخواتي اللي انا انخطبت قبلهم يتزوجون وانا لسه انتظر الفرج تعرفوا اشمعنى خمس سنين من عمر البنت يعني الوحدة تكون ببداية العشرينات تشوف نفسها صارت على ابواب الثلاثين صبرت عليه لين كون حاله وما كنت اشكي له لأنه كان يشتغل ويدرس ويبغى يكون حاله مع ان ما كان هذا الإتفاق لما خطبوني بس صبرت وقلت الوحدة مو كل يوم لها رجل وانا حبيته وهو حبني وانا متأكده من هذا بس الظاهر الناس لما يشوفوا وحده مكسورة الجناح وما لها غير رب العالمين ياخذوا راحتهم بدليل انهم ما يعملوا كدا لزوجات اخوتهم الثانيات بل بالعكس يحترمونهم لأنهم من عوائل غنية ولأنهم عندهم اهل وعزوة بس الظاهر مالي غير الدعاء والله يجزاكم خير .