تبين الواقع والكلام البعيد عن الدلع وتنميق الكلام وزركشة المشاركات بكلام ابعد مايكون عن الواقع ماراح اقول لك اكتبي بورقه ولا اشهقي اذا قال لك شي والا من الكلام اللي يصعب عليكي تطبقينه ...
انا راح اكون قاسي معك بالكلام لكن اهم شي اني صادق باللي أقوله .....
أول شي انتي ذكرتي انه من السهل جداً استثارتك وانك الكلمه تحلليها الف مره والشي هذا كافي لستين الف مشكله يعني انتي اذا شفتيه جاي للبيت متوتر انا متأكد ان هذا الشي يظايقك ويوترك حتى لو قلتي لا اسمحي لي اقول ماهو صح لأني اتكلم عن شي داخلي داخلك انتي من الداخل اذا شفتيه متوتر غصب عنك تحاولي تعملي مشكله معاه لأنك تعتبريه استفزك بتوتره اللي ماهو بيده يعني متوتر او تعبان كافي هذا الشي انه يطلع له 600 مشكله .
الشي الثاني تحللي الكلام اللي يقوله الف مره ومن الالف ما تاخذي الا الشي اللي يوتر ولأجل اثبت لك هذا الشي اسألي نفسك كم مره حصلت بينكم مشكله وتناقشتوا فيها وقلتي ماهو صح انا اقصد كذا ما اقصد اللي انت فهمته وخليكي صادقه مع نفسك قبل تصدقي مع الغير ... وأسألي نفسك كم مره قال أنا ما أقصد كذا وقلتي انتي لا ماهو صح انت قاصد الشي هذا أو قاصد تستفزني .
الشي الثالث اذا تناقشتوا انا متأكد بأنه يادوب يبدا بالكلام وهو يتكلم تقومي تدخلي معاه وتتكلمي بنفس الوقت ولا عندك مشكله تتكلمي لحد ماتخلصي الكلام اللي بتقوليه وتلاقيه يتكلم معك بنفس الوقت لكن مايقدر يقول كل اللي عنده لحد مايقول لك اسكتي واسمعيني للآخر وبإمكانك تتكلمي بعد ما أخلص وشرط انك اذا خلص كلامه تسكتي وتغلي غلي وتحاولي تبينين له انك بارده ولا همك عشان تستفزيه بالشئ هذا ...
اما مايخص شغل البيت وتحاولي تجعليه شماعه تعلقي عليها اعذارك وتجعلينه سبب أو شفيع لتوترك واستفزازك له فأقول لك شغل بيت مافيه الا طفلين ولاشي وأحمدي ربك عليه ... أجل زوجك المسكين وش يقول وش يسوي وهو يطلع من 7 الصبح لـ 7:30 أو 8 بالليل ... هذا ماتعتبريه تعب ... ومفروض هو اللي يتحملك مو انتي اللي تتحمليه أو تتغاظي عنه أو تقولي بعذره تعبان من اللي هو فيه ومفروض اخفف عنه لو بكلمه زينه طيبه مثل الله يعطيك العافيه وكان الله في عونك والله يخليك لنا عارفه ان التعب هذا اللي انت فيه عشاننا عشاني وعشان عيالك عسى الله يوفقك ويقدرني اكون معينه لك واخفف عنك بعض اللي انت فيه ... مهما كان تعبك فأنتي مع أطفالك وفي بيتك ووقتك مهما قلتي مايسمح لك تتابعي تلفزيون والا نت ماراح اصدق كلنا عندنا بيوت وعارفين وبنفس الوقت صابرين وصبرنا يمكن عشان الأطفال اللي مالهم ذنب بإختيار أمهاتهم أو أبائهم .
أدري اني قاسي بالكلام لكن يقولوا الحقيقه أحيان تجرح ...
لكن نصيحة محب شيلي التوتر فالكل يعاني منه ماهو بس انتي وأهم شي يحس بالاحترام حتى لو كنتي متوتره ولا تخلين الهروب منك حفظ للكرامه ومحافظة على الاحترام ....
انتي سبب مشكلتك انتي بنفسك ....
مو شرط كل من كتب مشكلته لازم نكون بصفه اذا حسينا انه غلطان نقول معليش انت غلطان لأن من استشارك دخل في ذمتك ... وعمر بن الخطاب رضي الله عنه : اتاه رجل مفقوعه عينه وجاي يشتكي قال عمر انتظر لحد ما نجيب خصمك ونشوفه وزعلوا الصحابه وقالوا ياعمر مفقوعه عينه وتقول تجيب خصمه وتسمع منه قال هذا مفقوعه عين وحده عنده يمكن الثاني مفقعه عيونه الثنتين ولما جابوه طلع فعلاً عيونه الثنتين طايره ....
نصيحه لوجه الله الانسان خصيم نفسه وانتي قلتي عن نفسك انه سهل استفزازك واثارتك اذا كيف تبين الراحه لأنه يمكن تكوني متوتره من ولدك الصغير ويدخل هو مكشر وتعبان من الكد والشغل وتحطيه تحت المجهر لييييييييييييييييه داخل مكشر وش هو شايف وطبعاً هذا دور ابليس لعنه الله والا تتوقعي ابليس بيقول لك هو مكشر عشانه جاي تعبان مو منك يابنت الحلال ....
اطلت وأتمنى أن أكون وفقت ....
وعلى فكره يمكن تقولين هذا زوجي والا وش عرفه بكثير من الامور اللي قال ... او انه يكون مطلع على وضعنا لكن لاهذي ولا هذي ....