شكراً للاخوه الاعضاء جميعهم على هذا التفاعل والردود السريعه التي تفاجأت بسرعتها وهذا من طيبكم وحبكم للخير :
اولاً: الى جميع الاخوان والاخوات الي قالوا لازم تبحث عن عمل ...والله العظيم اني قاعد ابحث عن عمل واسعى والرازق الله وانا راضي بكل شي لان كل شي من الله وانا ولله الحمد مقدم على على وظيفه عن طريق الديوان وأسأل الله عز وجل ان يرزقني ويوفقني ويعينني على الاخلاص بالعمل ..وانا مثل ماقلتلكم توي متخرج من الجامعه مالي اربع شهور ... وكنت اخذ اترام صيفيه من يوم مادخلت الكليه عشان اخلص بسرعه وهذا كله عشان اوصل لـ(.......)
ـ اختي Hiba والله ان حبها مسيطر علي سيطره مايعلم فيها غير الله عزوجل وهي كمان نفس الشي لدرجة انها مرات تدوخ عند اهلها من كثرة التفكير اما انا فتفكيري منشل تماماً لدرجة اني مرات اذا كنت جالس مع مجموعه او أي احد وكان يكلمني والله العضيم اني بس اطالع فيه وماني معه فالنهايه احرج نفسي اذا سألني ..ودايما بالي مشغول مشغول وانا والله ودي اعمل بنصيحتك يا اخت Hiba وهذا الشي طبعا ماراح ينقص من حبي لها لكن ما اقدر ما اقدر..

ـ شكرا يا اخي ضاحي على هذه الدعوه وجزاك الله خير
ـ Amooorشكرا لك على هذا الكلام الحلو وبنت عمي احبها حب مايعلم فيه غير الله عز وجل
ـ ابو ابتهال شكرا لك عمي ماراح يصعب علي الزواج وما يحتاج مرسال يفهمه بالعكس عمي انسان طيب وحبوب لكن مشكلته الخوف وعدم اتخاذ القرار بسرعه وانا ياما صارحته اني احب بنتك واموت فيها لكن بطريقه غير مباشره وهي كذالك .

ــ وردة الربيع :شكرا على الاحساس الطيب هذا وعلى تاثركي بالكلام وعلى هذي الدعوه الحلوه(تمنياتي الصاااااادقة والخالصة لكم بالزواج القريب ان شاء الله)


ـ اخي جمر جزاك الله خير والله الواحد ميدري ويش يسوي لكن انشاء الله ان حبي لها حب عذري والمكالمات والرسايل والله ان معضمها بل اغلبيتها لابد انها تشتمل على تذكير بالدين واموره وبعدين انا ماني مقدم حبي لها على حب الله ورسوله مثل ماتقول فارجوك لاتتبلاني واخوي ابوخالد ترى الخشوع بالصلاه يعتبر مجاهده وانا قاعد اجاهد نفسي وانا عارف ان الشي هذا غلط لكن الواحد يسوي الي يقدر عليه والباقي على الله
من المواقف الغريبه بيني وبينها :
1- اثناء مانتكلم مع بعضنا بالتلفون (وطبعا الاتصال يكون فيه شوية صعوبه حتى تتصل بي عشان اخوانها وكيذا ومرات تمر خمسه الى سته ايام ومسمع صوتها وبالفتره هذي انا انجن مدري هي طيبه ولا مريضه ويسير بالي مشغول)فالمهم اثناء الحديث مرات يفاجأ كل واحد فينا الثاني بكلمة احبك فالموقف الجميل والغريب انه دايماً نتفاجأ انا نقولها مع بعض بنفس الوقت واللحظه واقول سبحان الله الله يكون بعونا يا(......)
2- وهذا الموقف قريب جدا …توه …الشاهد ..ان عمتي الي هي امها جابت بنت قبل فتره..وكانت هي حياتي تتبادل مع خواتها المرافقه مع العمه وصار يوم من الايام جبت امي واختي عشان يزورونها شي طبيعي ..وبعد مادخلو الغرفه جيت انا راجع رايح لغرفة الانتضار وحسيت احساس كبير انها موجوده وماانتهى الاحساس الا واسمع صوت مشي وراي الا هي (…..) حبيبتي ..وعشان الممرضات رايحات جايات وكمان الزوار انا سويت نفسي معرفها وهي كذلك اجادت الدور فمرت من جنبي رايحه للمرضه عشان تسالها سوال عابر عن اي شي فوقفت انا وانتضرتها ترجع ..وفعلا وهي جايه مقبله طالعت بسيب المستشفى ومافيه احد وكأن السيب والجدران والمستشفى صنع الفرصه لنا حتى نكلم بعض ونسلم على بعض فياسبحان الله …جيت مقبل وهي مقبله وخامستها وخامستني مع كلمة مشتاقلك وكملت ممشاي وكملت ممشاها والقلوب تنبض والعيون تدمع وبعدين راحت لمها عشان متحس بغيبتها وانا رحت لغرفة الانتضار وشوي الا امي واختي طلعوا وروحنا وانا في حاله يرثى لها..

بالله عليكم محد يواخذني لاني والله لوني لاقي قلب مفتوح من اهلي واخواني واقدر اتكلم معه عن الي احس به كان ماكتبت لابمنتدى ولا غيره لكن الله المستعان..


ولكم جزيل الشكر