الغالية ضي و في ، ما أدري بس أحس دايم ينحط العود و البخور و الشكلاتة

لو تبغي فكرة جديدة مثلا : حطي صورة صغيرة للبيبي و الله يحفظه لج

أما بخصوص أسامي البنات : غزل (الكلام الحلو بين المحبين ) + غزلان ( جمع غزال )

رند ( ورق شجرة الروند) + روند ( شجرة لها زهر أبيض و أوراق عريضة لها رائحة طيبة )

ريوف ( جمع ريف ) + هنوف ( الضحك فوق التبسم )

عتاب ( اللوم و العتاب و ترى ما يتعاتب الا اللي نحبه ) + عشتار ( اسم من بلاد فارس )

أرجمند ( محبوبة شاه جيهان اللي صمم تاج محل في الهند )+ جنى ( الذهب )

أما الأولاد فأنا أحب :محمد+ بندر + سلطان + راكان + فارس ،،،،،

و انتي غناتي قوليلي لنا عالحرف اللي فبالج ، و احنا نساعدج أكثر

و ها !! لا تنسين ، قولي لنا وش عجبك و ايش اخترتي من هالاسماء

دمتٍ في خير