موضوع لطيف اخيتي حمامة
وتظهر نتائجه بالنسبة للنساء كؤيد واما الرجال اتوقع مايكون الا معارض

مالومهم هذي معتقدات مجتمع وامة على مدى الازمان وعادات وتقاليد ليس الا

بالنسبة لي مؤيد لدخوله بس بشكل خفيف جدا ومساعده فقط
يمكن لاني عشت داخل هذا الوسط من صغري
طول عمري من كبرت وفهمت الا وابوي يساعد امي في كلللل شي في البيت حتى لما تولد يطبخ لنا هو وحنا نساعده

مافي عندنا فرق بين ولد وبنت في مساعدة اشغال البيت الا الفرق البسيط
ومن تقاعد ابوي صار اكثر يساعد امي مع انه عندنا شغالة

واخوي لما تزوج الحين يساعد زوجته في اشياء وايد حتى اهي بداية الامر استغربت
زوجي لانه مو بحريني وبداية دخوله بيتنا جااف
بوي ساعد امي استغرب واستنكر لما فهمته وجهة نظرنا غير رايه وصار يساعدني
بس تعرفين شلون
يدخل معاي المطبخ ويحوسه حوس
فاطلب منه متفضلا من غير مطرود ان يجلس يسولف
فصار بساعدني انه يوقف يسولف معاي!!
واحيانا علشان الهيه ويهدا من سواليفه لانه يهدر وايد اعطيه اي شي يقطع عني بسسس لما اخواني او امي تيجي عندنا يقول هو الي طبخ كل شي لانه قطع بطاطا او طماط
اما باقي شغل البيت احلم يافقير ادا خلص الويكند وبيرجع الرياض مايطلع الا الشقة محتاسة حووووووووووس
الله يهديه

بس انا عندي شي عادي ساعد او لاء..! لانه لو بسوي حاجة يتعمد يخرب اكثر من حاجة علشان لا اقول له ساعدني خخخ
يمكن لاني للحين ماكبرت المسؤلية عندي ولا عندي اطفال
اهم شي يقدرني بس

__________________