هلا فيك متى أشوفك نورتينا

الله يحفظ لك الحلو حقك ويفرحك بشوفته أحلى عريس يارب

ياقلبي طبيعي مايتقبل الموالح بسهولة لانه متعود على حليب الأم الحالي .. عشان

كدا أعطيه الموالح بالتدريج وطبعاً ابعدي عن الملح بس ممكن تستخدمي منكهات

طبيعية زي الهيل والزعتر والاوريجانو والكمون وغيره

***

أما الامساك ياقلبي عليه والله كثير خمسة أيام شوفي احنا كيف نتعب فمابالك هو

الصغيرون .. أعطيه كل يوم يانسون مع شمر وحليه بسكر النبات وإن شاء الله يرتاح

وانتي كيف بطنك ؟ عندك إمساك برضه ؟

***

أما النوم فعندي وعندك خير .. تخيلي كانت تنام الفجر وأسهر معاها طول الليل

ونصحى على جية أبوها من العمل .. كان النظام حلو ما أطفش طول ما أبوها في

الدوام أحطها نومة ..

الحين صارت تنام الظهر وعلى جية أبوها أكون ميتة تعب .. ماني عارفة كيف أنظم لها

نومها ..

وجامعتك ليش ماتقدمي انتساب ؟

***

امممممممم بالنسبة للرضاعة أنا أقولك بس بيني وبينك

حلا اصحك تتصنتي علينا ترى التجسس حرام

شوفي أول حاجة اشتري مصاصات الرضاعة اللي يكون لونها اصفر لانها لينة تشبه

حلمة الثدي أما البيضة قاسية وماراح يرضى ياخذها

ثاني حاجة لا تدخلي الرضاعة كلها في فمه لا .. قربي طرف الرضاعة من فمه وخليه

هو يسحب الباقي وبكذا راح يمسكها

ثالث حاجة لازم تتأكدي إنه العصير أو اللي تبغي تحطيه في الرضاعة مهما كان من

أعشاب أو نعناع أو غيره .. لازم تتأكدي إنه حلاه مناسب لانه لو كان مو حالي ماراح

يشربه

وبشريني ايش راح يصير معاك

وياهلا بك وبقرقرتك دايماً