غيرة زوجي تعبتني
السلام عليكم ورحمة الله وبركاته
اعضاء المنتدى الكرام اتمنى اجد لديكم الاراء والحلول النيرة لمشكلتي ..
الا وهي غيرة زوجي الشديدة علي وكل سنة تعدي وكل يوم الاحظها تزيد فيه اكثر واكثر لدرجة اني بدأت اصاب بإكتئاب بسبب هالغيرة الغير طبيعية لان الشيء اللي يسويه غريب كل زوج يحب زوجته في احسن حال الا زوجي
يغير اذا شافني متزينة ويقلب البيت نكد يغير اذا لبست لبس جميل او مثير ( يقولي ليش ماتلبسي زي امي دراعات ) مع اني في عمر حفيداتها الكبار
حتى محارمي يغير من سلامي وحديثي معهم وتصير الدنيا نكد .. اخواني صرت ماقدر اجلس معهم لانه مايخليني اجلس براحتي يحددلي الوقت ويكون بوجوده واذا رجعنا قلبها نكد انتي ليش تقولي كذا وليش تسوي كذا ..
خرجات وطلعات انحرمت منها بسبب غيرته واذا طلعت معه مااستمتع لاني مراقبة في كل همسه ولا يجلسني في مكان مظلم مااقدر اشوف فيه اصابع يدي تعبت وقرفت من هذا الوضع وبدا وزني ينزل بصورة رهيبة وماصار لي نفس لشيء حتى عيالي مساكين ماصرت اهتم فيهم ولافي نفسي وصار هو مبسوط يقولي كذا شكلك حلو (( عشاني مبهذله مالي خلق البس ولا اتصلح ))
على فكره زوجي ماكان كذا اول زواجنا كان طبيعي يفرح بشكلي واناقتي ويجلس يمدح فيني وكانت غيرته الطبيعيه اللي اي زوجه تحبها في زوجها لكن بدأ يتغير بعد ثاني سنة وانا الان لي ثمانية سنين متزوجة وعندي طفلين وصارت حالته اسوأ لان كل سنه تمر او كل شهر يعدي الاحظ ان حالته تزيد وانا بديت امرض واكتئب من كثر الممنوعات وكأني في سجن بدون قيود .. مره فكرت ازوجه عشان بس يخف عني وطرحت عليه هالفكرة عليه رفض وزعل صراحة بيني وبين نفسي فرحت لان كان هذا جوابه لكن انا ماني عارفه اتصرف وقلت يمكن هذا الحل لكنه قفله علي نهائي ..
ياريت تساعدوني بحل يوازن حياتنا لاني بجد تعبت من هالغيرة
التعديل الأخير تم بواسطة فيافي نجد ; 01-01-2008 الساعة 04:05 PM
السبب: تغيير اللون الاحمر