المبدأ لاخلاف عليه لكن امكن فالتفاصيل الي ما ذكرتها أسباب تخليها تفضل تبقى عند أهلها.. مثلا انه المكان في بيت اهلك غير مناسب لها و للأطفال من ناحية موقعه فالبيت (لا خصوصية) او انه اخوانك موجودين فالبيت، او هي مش متفاهمة مع حد من اهلك/ حد مضايقنها بكلام في الزيارة السابقة. هناك اسباب قد تكون تافهة من وجهة نظرك لكنها قد تكون كافية بالنسبة لها. اسألها بعد ما تهدأ الأمور بتطلع الأسباب الحقيقية!!
اما موضوع اخوانها فيبدو انه انت غير متفاهم معاهم و الكل يبى يطلع غلط على الثاني..و حركة انه بيطلعونها شقة/سكن حركة وااايد معروفة فمجتمعات كثيرة لرفع الضغط و القصد انه اذا ما بتوفر لبنتنا المكان المناسب نحن ما بنقصر وياها.
اخي الموقف تكرر مع أفراد من اسرتي/معارفي و يطلع في النهاية انه الريال ما انتبه انه الوضع فبيت اهله صدق مب مريح و صعب (حط نفسك فمكانها) أو انك انت متضايق من أخوانها لأسباب خاصة فيك -قد يكون لك حق- و ما تبى أطفالك يطولون عندهم.
انت بعد لا تكبر الموضوع كلها كم يوم و رادين،نصيحتي: المرة الجاية لا تسافرون الا و انت فاهم هي ليش ما بغت تبات و متفقين السكن و المبيت وين. و لا تنسى انه الأسلوب يفرق كثيير: تعالي باسلوب خشن و بتجريح( لا تقول اهلج كذا و كذا خلاص ازمة و عدت) بيكون التجاوب غييييير تماما عن اسلوب حنون تبين فيه انك تحب انه هي و الأطفال يكونون معاك.. و انه اذا طلع في سبب معين مضايقنها بتحاول المرة الجاية تتجنبه/تغيره كثر ما تقدر.