المشاركة الأصلية كتبت بواسطة بآرد
اللي سواه زوجك يصير لأي واحد حتى لو كان ملتزم أو حتى كان شيخ ، قال رسول الله صلى الله عليه وسلم (كتب على ابن آدم نصيبه من الزنا مدرك ذلك لا محالة ؛ فالعينان زناهما النظر ، والأذنان زناهما الاستماع ، واللسان زناه الكلام ، واليد زناها البطش ، والرِّجْل زناها الخُطا ، والقلب يهوى ويتمنى ، ويصدق ذلك الفرج أو يكذبه) ، رواه البخاري ، والشافعي رحمه الله اللي هو أفضل من زوجك في الدين ، مرة نظر إلى رجل أمرأة .. وبعدها صار مايحفظ بسرعة .. يعني صار للأمام الشافعي لحظة ضعف ، بعدين تاب ، وأنت تعرفي الحين أننا في زمن الفتن وزوجك مر بلحظة ضعف ، غير كذا قال الرسول صلى الله عليه وسلم (إذا أحدكم أعجبته المرأة فوقعت في قلبه ، فليعمد إلى امرأته فليواقعها ؛ فإن ذلك يرد ما في نفسه) رواه مسلم ، ومن هذا الحديث نستنتج أن الأنسان ممكن يغلط يوم ويشوف بنت وتعجبه ، والرسول صلى الله عليه وسلم عطانا الحل قال (فليعمد إلى أمرأته فليواقعها فإن ذلك يرد مافي نفسه) .. يعني خلاص راح ينسها وماراح تصير تعجبه ، بعدين ليه ماتسامحيه ، إذا الله اللي منعم علينا بكل هالنعم ومعطينا السمع والبصر ونعم كثيرة لاتعد ولا تحصى إذا عصينا وتبنا توبه صادقه يغفر لنا كل ذنوبنا ويمكن يبدلها لنا حسنات ، أنتي أسالي نفسك كم مرة عصيتي الله وهو شايفك ، وهو معطيك كل هالنعم ، كم مرة عصيتي بنعمه ، وغفر لك ، وأبتالك عشان ترجعي له .
دام أن الله برحمته ممكن يغفر لزوجك إذا تاب توبة صادقة وندم ، من باب أولى أنك أنتي تسامحيه .
بعدين الحين أنتي لازم تعتذري من زوجك لأنك عالجتي الخطأ بخطأ بدل ماتساعده أنه يترك ذا الشي ، تبعدي عنه ، بدل ماتبعديه عن المعاصي والمغريات ، وتبهيه بالأسلوب الحسن ، ولاتسوي نفسك منتي داريه وتخلي يستحي على وجهه ويندم بينه وبين نفسه ، تروحي تصارحيه .
الحين لازم تروح تعتذري لزوجك بأسلوب حلو ، وتروح تسلمي على يدينه وراسه وتقولي له أنك أسفه < ترى الرجال يحب زوجته تسلم على يده وراسه كل يوم مو بس إذا زعلته ، قولي له أسفه وبيني له أنك المفروض ماتتخلي عنه .. ومن ذا الأسلوب عشان تكسبي الأجر وماتخليه يرجع مرة ثانية للحرام ، لأنك لو ماأعتذرتي يمكن يرجع للحرام ، حتى الرسول صلى الله عليه وسلم حث على الزواج عشان مايقع الأنسان في الحرام ، يعني المفروض ماتتخلي عنه لو أيش سوا ، وإذا غلط تدعي له بالهداية ، وترى مافي إنسان مايغلط .
|