السلام عليكم ورحمة الله وبركاته ...
ماشاء الله عليك تحملتها .. ثلاث سنين .. بقولك شي.. وبقول للي دافعو عنها .. المراة يوم تتزوج لازم تراعي زوجها واتقدر له كل شي يسويه ..
يعني انا مثلا.. زواجي كان فخم حيل.. وزوجي الحمدلله يوديني لاحسن الفنادق.. ووالله احطه على راسي .. وانا ادري عن معاشه .. وقدراته .. مابي اكسر ظهره .. واخليه على الحديدة عشان توافه واشياء مو ضروريه .. وهذا الي لازم كل زوجه اتسويه .. حفاظا على بيتها وزوجها ..
الحين هذا جزاه .. دلعها .. ووداها لاحسن الاماكن وماقصر معاها ؟!
للاسف زوجتك مو عارفه قيمة الفلس.. المفروض الحين انتو اتخشون للمستقبل .. لان الحين الدنيا غالية ... فكيف بعدين على ايام بنتك وباقي عيالك ..
انا مايعجبني استهتارها .. وفاهمه قصدك بالضبط ..
لازم اتوعيها واتفهمها .. لازم اتكون صارم معاها .. لازم اتعرف انت شو في البيت ... وانت الي لك الطاعه .. وان الي اتسويه غلط .. لازم ماتسكت عنها..
الطلاق ياخوي خله اخر الحلول.. لان بينكم بنت.. ولان عندي احساس ان بس يبيلها توعيه .. ولازم تتاكد بان محد وراها يحثها على هالشي.. لان ياخوي قبل ماتزوجت سمعت كلمة لليوم اتون براسي مو عاجبتني واحمد ربي واشكره اني مامشيت بهالنصيحة الغلط .. دايم الحريم يقولون "لا تخلين جيب زوجك يرن من الفلوس عشان مايلقاها فرصة يتزوج غيرك" يمكن هي سمعت هالكلمة .. وخافت .. لأان الصراحة كل مراة الحين اتخاف ان زوجها يتزوج عليها ..
قول لها اذا انتي سمعت هالكلمة تراها غلط ..
وجود الخادمة مايعني انها مو مسؤولة عن البيت والي يصير فيه .. قول لها اذا وجود الخادمة بيخليك مهملة .. ترا بسفرها .. وبشوف قدراتك انتي في تحمل مسؤوليات البيت .. بين لها مو بس الفلوس االي تحث الرجل على الزواح من الثانية .. حتى اهمال المراة لزوجها .. ممكن يكون السبب الرئيسي اليي يخليني التفت لغيرك ..
امسكها من يدها الي اتعورها .. لانك كلمتها بادب.. وفهمتها اكثر من مرة ومافاد .. كون صريح معاها وجاد ...
الحين هي في بيت اهلها .. خلها .. شوفها تسال تتصل ولالا..
بعدين لي صار بينكم هددها بالطلاق ... تراها بتخاف .. يمكن تحسب ان البنت تربطك ..عشان جذي اترهت ..
بترجع لك ان شاء الله احسن من اول..
واتمنى من كل قلبي تفتح عقلك واتكون واعي .. عشان اتعرف لو في حد يحثها ويوزها عليك .. ويخليها تتصرف هالتصرفات ..
الله يهديها ويصلحها ويرجعها للطريق الصواب..
اسمحلي لو كنت عنيفة شوي بردي.. بس انقهرت عليكم الصراحة ..
انا مشاكلي مو راضية تنحل لانها كبيرة .. وفيها اهل وغيره ... وانا مالي يد بالموضوع واتمنى لو اقدر اسوي شي.. وزوجتك الله يهديها .. بتخسرك على توافه الامور وبيدها تحل الامور..
اسمحلي على الفضاضه ..
جل تقديري
أم وداد
__________________
ربنا هب لنا من أزواجنا و ذرياتنا قرة أعين واجعلنا للمتقين إماما
أرجوكم ادعو لي ..بإن ربي يجمع بيني وبين زوجي على خير
إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...
الـعزيـــــــــــــــز بو وداد..
أحبــــــــــــك ...