منتدى عالم الأسرة والمجتمع - عرض مشاركة واحدة - ما رأيكم في الزوج او الخطيب اللذي لا يدلل خطيبته ؟

08-12-2007, 11:16 PM

#13

منت عاجبني

شيف المنتدى المتألقة

تاريخ التسجيل: Sep 2007

المشاركات: 1,615

حبيت اقول حق صاحبة الموضوع ,
ماعليه اصبري شوي وشلي كل الافكار الي في بالج
صج الشي يقهر ويقهر حدهـ بعد

اتذكر في بداية خطوبتي صار لي إلي تقولين عليه ,
وفوق هذا بعد كان ما يطلعني ولا مطاهم ولا فلة ووناسة
وحتى كنت اتسائل عن الطلعات الي يكلمون عنها المخطوبين
وإن فترة الخطوبة حلوة وكله طلعات والخ ,,
لدرجة إني مرة رديت البيت منهارة شكيت حق امي وابوي
وقلت لهم شسوي له شلون اتصرف معاه ,
ادري إنه مو بخيل بس تصرفاتها تأكد لي إنه بخيل !
(الشي الي اكد لي إنه مو بخيل اهو فترة التجهيز للخطوبة والحفلة)

خذيت بنصيحة الماما والبابا ,
قالو لي كلميه على هدوء واشكي له إلي في قلبج
يمكن ماله بسوالف البنات ولا يعرف لها , ويمكن ما يدري
ويمكن ويمكن ..
وإذا ما صار اوكي احنا بنكلمه (يعني امي وابوي بكلمونه)

وصج قويت روحي , وكلمته مع إني كنت منحرجة اكلمه
بس ضغطت على روحي (خايفة لا اكرهه او المشكلة تأثر على علاقتها وحبنا لبعض)

الحمد لله سمعني وتقبل كلامي بسعة صدر ,,
ووضح لي ظروفه , يعني تونا شهر ما صار لنا مع بعض
وتجمعت عليه المصاريف مرة وحدة ,
مصاريف حفلة الخطوبة والتجهيز والمهر , غير إنه توه مشتري سيارة
ومصاريف جامعته وجامعتي الي بتفتح بعد شهر ,
ومصاريف كثيرة عددها لي ,

طيب خاطري واستسمح مني , وطلب مني اعذره على التقصير
بدوري صبرت روحي قد مااقدر على ما تمر هالظروف
مع إني كنت بين بوقت ووقت انفجر فيه واهاوشه

ولكن الحمد لله بعد هالصبر هذا ,,
الحين اشحلاته , كل ما يصير له وقت طلعني وفسحني
وصار يحب المجمعات اكثر مني ونآكل بالمطاعم في الاسبوع اكثر من خمس ست مرات !

ويشتري لي كل الي خاطري فيه (الحمد لله) الله يخليه لي ان شاء الله ويطول بعمره

فـ الحين اذا اقارن اول شهر شهرين من خطوبتنا
وبين الحين ,
فرق السماا والأرض

عذراً على الإطالة ,
ولكن حبيت افيدج من تجربتي