صديقتي كانت مثلج لكن اضافة للي قلتيه تعمل

يعني
أم + ربة بيت + طالبة + زوجة + عاملة

كان مجال عملها انها تجلس بالبيت مجرد تعمل طلبيات واذا كانت هناك اجتماعات تحضر مقر الشركة بس

كانت تنظم وقتها كثر ماتقدر بس ماعندها مجال لهوايات ولا لزيارات الا الواجبة

واحيانا تقصر في اشياء على اشياء

بس كانت تحاول تعوض زوجها وعيالها في اجازاتها

نظمي الوقت
1- اهتمي بالاعمال الكبيرة في الخميس والجمعة ترتيب كوي غسال ثياب طبخ عدل تنظيف مسح كللل شي واعطي زوجج الثياب الي تحتاج كوي يوديهم الكواي مساعده لانج بتتعبين.

2- في ايام الاسبوع العادية ايام الدراسة يعني حاولي يكونوا عيالج بمكان واحد وقت الاكل واللعب علشان يسهل عليج بعدين ترتيبنه وتنظيفه

3- عوديهم على النوم بدري.

4- الغداء طبخيه من الليل مع العشاء حددي مقار ساعتين واختاري اشياء مفيدة وخفيفة وتصلح للعشاء ومايضر لو يومين في الاسبوع من برى.

5- اتفرغي لنفسج مدة ساعة اسبحي واسترخي .

6- لازم تستعدين لمقابلة زوجك لانه راح يكون له حق عليج .

7- اذا كان عليج اختبار او بروجكتات او مشاريع للجامعة حاولي تخلصينه بالجامعة بمعنى
لوكنتي تخلصين مثلا الساعة 1 محاضراتج اجلسي ساعتين اضافية وذاكري وخلصي اهناك بالمكتبة بمكان هادئ فترجعين البيت بدون واجبات ولو كان عليج نشاط او شي اجلسي بالبريك اعملي شوي عليه الانترنت موجود في الجامعات وبالقاعات الي فيها الكمبيوتر وادا مفيه خصصي لج ساعة او ساعة ونص ودوري كل الي تحتاجينه تخزينه على فلاش وتشتغلين عليه بالجامعة والافضل انج تعملين بنظامر القروبات علشانما يصير كل البروجكت على راسج

8- اتفقي مع زوجج انه في فترة الاختبارت لازم بكون منج تقصير بالبيت والعيال فيتحمل معاج شوي المسؤلية وياخد العيال ساعتين او 3 برى البيت او تنوميهم وتذاكري ولما تخلصي وتعدي هالفترة توعدينه راح تعوضينه لمساعدته لج

9- بالاجازات عوضي عيالج وزوجج عن كل الي فاتهم في طول السنة سافروا تمشوا مارسي هواياتج اشتركي بنادي او مركز او الاهوايات الي تحبي تمارسيها ادا كان الوضع يسمح

يعني كل خميس وجمعة حطي جدول لكامل الاسبوع بكل الانشطة الي بتسوينها وحددي لها الساعات واتفقي مع زوجج على هذا الجدول وشوفي الي يناسبه هو بعد في الجدول يعني وقت فضاوته متى يبيج تكونين متواجدة معاه

يعني مثلا شنو بتطبخين حددي لكل يوم الوجبات للغداء والعشاء وخلي تكون الاغراض موجودة عندج لطول الاسبوع تشترينها بيوم الجمعة او الخميس من السوبر ماركت علشان لا يضيع وقت في التشري

حددي الايام الي بتغسلين فيها ثياب ادا ماتغسلين كل نهاية اسبوع

حددي اوقات الدراسة والمذاكرة

حددي اوقات الجلوس مع العيال

حددي اوقات الاسترخاء لنفسج او ممارسة هواية من هوايتج وحدديها بوقت

وحددي وقت لزوجج انتي وه ومع بعض


والله يعينكم صراحة جهاد هذا خصوصا ادا كانت دراستج صعبة او كلها شغل وتحتاج تعب ومتابعة

موفقة خيوتو الله يعينج

بس مسأله التقصير لازم راح تكون موجودة في جانب على جانب معين فاقلمي نفسج على هالشي وخلي زوجج يتاقلم بس لا تعطين نفسج الحق انه لازم تكونين مقصرة كل ماسنحت الفرصة حاولي تعوضين

__________________