منتدى عالم الأسرة والمجتمع - عرض مشاركة واحدة - فضفضه او مشكله او سوء تفاهم ... !!!!

05-12-2007, 02:43 PM

قمر الزمان

عضو دائم

تاريخ التسجيل: Jan 2004

المشاركات: 91

د.ياسر مشكووور والله يتقبل دعائك يارب

احب ريوون ,

اقتباس:

ياحبيبت قلبي عيشي حياتك لنفسك لاتضعين زوجك محرور حياتك مثلي ويروح عليك شبابك وانتي تحاولي تتوصلين لقلبه

حبيبتي انا كنت خلال السنوات اللي راحت دايما اشغل نفسي بصديقاات ابدن ماتذمرت ساكته ... معطيته جوه .. حتى ماطلب اطلع معاه مقهى او مطعم مكتفيه بصديقاتي واهلي .. بس وصلت لدرجه مليت .. المراءه بفطرتها تحتاج لرجل بحياتها مو ؟؟ تحتاجين للرومنسيه لزوج يحبك ويتودد لك .. يسولف يضحك (مع العلم ان زوجي اذا قعد يسولف مع اخوانه او اصدقائه انواع الضحك والانبساط)ومو يعني اني بحسده لا بالعكس افرح اذا شفته مبسووط بس بنفس الوقت يحز بخاطري ليه معي كذاا ويمكن كتابتي هنا للفضفضه واشكرك على الرررد الله يوفقك ويسعدك يارب

جوزي عمري فعلا نعم النصيحه ... لكن اذا احتجت لرجل بحياتي وش اسوي ؟ لو انا ماتزوجت راح احلم عالاقل .. اللحين حتى الحلم مافيه مجال يالله عليهم ذا الرجال اذا صاروا سيئيين تحملناهم اا لو الزوجه عملت اي غلطه خفيفه .. ياما انه يتزوج او يخوووووووووووووووووون
الله يوفقك ويسعدك اختي

وايت اورز

الله يعييني ويعينك ويسخرهم لنا يااارب اا تبين نصيحتي اذا لسا انتي متزوجه وماعندك اولاد .. استني لاتستعجلين على الحمل .. وتفاهمي معاه قولي ترا طبعك هذا مو عاجبني .. وعطيه مهله 6 شهور اذا تعدل ولا انصح تتركينه .. وانتي ادري بحالك عاد بس انا لو يرجع بي الزمن او لسا ماعندي طفله كان سويت كذاا حتى اللحين افكر اقوله اني خلاص مافكر احمل منك اذا راح يستمر على كذا وبشوف وش النتيجه .. علشان لو ننفصل مايكون بيننا اطفال كثير والله يعيين

ورده ورديه اهلن عزيزتي ..انا عارفه ان فيه مثلي كثير ونا ماقلت ليه انا الوحيده لا ابدن ولا قرنت باحد ثاني بس انا ابي حقي ابي لو جزء من حقوقي .. لو ةحد مكاني ماتخاف الله ولا عندها ضمير ممكن تنحرف ويؤسفني اني اقول هالشي .. اله يحميني يااارب
ومشكوووره والله يوفقك ويسعدك يااارب

حبيبي دوما شاكره لك مرورك .. الله يوفقك ويسعدك يارب

__________________


	سيد الاستغفار: اللهم أنت ربي لا إله إلا انت خلقتني وأنا عبدك , وأنا على عهدك ووعدك ماستطعت اعوذ بك من شر ماصنعت ابوء لك بنعمتك علي وابوء بذنبي فأغفر لي فإنه لايغفر الذنوب إلا أنت