بسم الله الرحمن الرحيم
يا سلام مصر هتنور و الله
و ان شاء الله عيد سعيد عليكم
فعلا بالنسبة للجو بدأ يبرد في المساء
فكرة شرم الشيخ حلوة جدا
الجو هناك هيكون رائع
و جهزي نفسك للرحلات هناك
انا سافرت الي شرم الشيخ منذ 3 شهور لمدة اسبوع و الرحلة كانت رائعة
حاولي ان تحجزي السفر الي شرم من القاهرة
انا حجزت الرحلات من الشركة في القاهرة
الرحلات اللي هناك
1- المركب الزجاجي ( و دي رحلة في مركب بيكون قاعها زجاجي ) لمدة ساعة واحدة
ظريفة جدا
2- رحلة رأس محمد ( و دي رحلة بحرية و يمكن تكون في رحلات برية الي نفس المكان و لكن الافضل لكي لانكي معكي طفل ان تختاري الرحلة البحرية هي تقريبا من الساعة 9 صباحا حتي الساعة 5 بعد الظهر
بتتغدي في المركب و المركب بتتوقف طوال الرحلة حوالي 3 مرات لان في ناس بتعمل (diving )
و الرحلة بتصور فيديو اعتقد ال cd بيكون ب 100ج و لكن الافضل تخدي كاميرا معكي )
3- رحلة العشاء البدوي ( و دي رحلة ظريفة جدا طبعا بتكون في المساء بتبدأ حوالي الساعة 8 مساءا حتي الساعة 11 مساء و بيكون فيها ( شو ) ظريف و عشاء طبعا هو الطريق بتاعها صعب شوي عشان بتكون في وسط الجبل .... و انا اشتريت cd الحفلة ب 120ج ( لا تدفعي اي مبلغ الا عندما يوصلك ال cd للفندق في صباح اليوم التالي... انا كان معي كاميرا ديجتال اخد مني المصور شريحة الميموري و نزل الصور علي ال cd سليد شو و هذا من تحت حساب cd الحفلة ..... كل شركة او فندق بيتعاقد مع خيمة ( عشاء البدوي ) يعني العشاء البدوي بيكون مستويات )
4- رحلة الف ليلة و ليلة ( المكان نفسه لم استمتع فيه ...هناك فيه مطاعم و فيه حفلة الصوت و الضوء و فيه حفلة بتبدأ الساعة 11 ليلا رقص و غني يعني عايزة سهرة )
5- رحلة دير سانت كاثرين و دهب ( و هذه الرحلة بتكون بالاتوبيس طبعا مكيف لكن الرحلة شاقة جدا
يعني بدأنا الطريق الساعة 7 صباحا و صلنا سانت كاثرين عند الدير الساعة 11.30 ظهرا و دخلنا الدير
و بعدهل رحنا فندق اتغدينا و طلعنا علي ذهب جلسان في مول صغير فيه محلات للشراء و كافيه جلسنا هناك ساعة و عدنا الي الفندق الساعة 6 مساءا ... صراحة الرحلة شاقة جدا اعتقد انها لا تنفع مع طفل صغير الرحلة بالغداء )
اقتراحاتي لكي
1- اختاري فندق يكون في خليج نعمه و بالتالي سيكون اسهل لكي الانتقال الي المحلات و الكافيهات... بصي يا ستي في اماكن كتير ارخص في الاقامة بعيدة عن الخليج و لكن ميزة الخليج انه فيه حياة يعني انتي لو في فندق بعيد ( هيكون في حوله صحراء ) لن تجدي متعة فيه في اليوم اللي مش قادرة تخرجي تسهري فيه ..... و هيكلفك مواصلات حتي الوصول الي الخليج ....
و لو فكرتي قضاء اليوم في الفندق ستكون متعة لانكي تري البحر و الجبال حوله منظر اكثر من رائع
2- هذه المنطقة تعاني من مشاكل في المياة فدائما تشتري زجاجات ماء انا طبعا اشترتها من خارج الفندق لان الزجاجة الكبيرة داخل الفندق ب 12 ج و خارج الفندق 2 ج الفرق طبعا كبيرة
و ممكن يسمحولك في الفندق اخد الماء معكي الي الغرفة بس شليها في شنطة الطفل
بقولك اسرار المهنة
3- المواصلات هناك غالية اقصد التاكسي و لكن اسعار الميكروباص رخيصة جدا
يعني بتتكلمي من 30ج لمكان محدد بالتاكسي في مقايل 2 ج ميكروباص
لكنك لن تحتاجي الي مواصلات اذا اقمتي في خليج نعمة ... اكيد بتكون اوفر
و اذا احتاجتي الي مشتريات في شرم فاتح ( سوبر ماركت مترو ) ارخص من اللي في القاهرة .. بس لو انتي في خليج نعمة لازم تركبي له
لكن الرحلات كلها بالتوصيل .. و تأكدي من هذه المعلومة و انتي بتحجزي
4- في مكان هناك اسمه السوق القديم فس شرم لو كنتي في خليج نعمة لازم تركبي مواصلة الي هناك
هذا المكان في محلات كتير للشراء ... ارخص من محلات خليج نعمة
5- احرصي الا تستخدمي ماء الحنفيه لطفلك .. حتي الاستحمام له يكون بالمياه المعدنيه .. المياه في الحنفيات فيها طعم مالح بسيط ممكن ان يضر بطفلك ....المياة هناك تعبتي جدا لان معدتي حساسة و هذا من غسيل الاسنان
سؤالك الرحلة اتكلفت كام
بالنسبة للرحلات المذكورة لفردين حوالي 950ج
طبعا ده في ( هوت سيزون ) لاني سافرت شهر8
و الفندق كلفني 4000ج لفردين لمدة اسبوع و الفندق كان اكثر من رائع و يطل علي البحر قمة الروعة و الجمال و ليس كل الفنادق تطل علي البحر .. تاكدي ان يكون مطل علي البحر لو حجزتي في خليج نعمة و كان الحجز بالفطار و العشاء
الفطار من 7.30ص حتي 10.30 ص و العشاء من 7.30 م حتي 10.30 مساءا و كنا نكتفي بهذا
و لم نشتري اي طعام من الخارج
و لكنا اكلنا في الخارج عند وصلنا الي شرم فقط لان ان موعد الفطار فات
الحجز كان من القاهرة ... افضل الشركات المعروفة و المضمونة
و اتفقت من شركة السياحة انه في اتوبيس مخصص تبع الفندق يكون منتظرنا في المطار
و العكس صيحيح و لا تحاولي ان تركبي تاكسي من المطار لانها بتكون ممنوعة تدخل اماكن معينة و بالتالي هتضطري تمشي بالشنط مسافة طووووويلة جدا للوصول للفندق
هذا بالنسبة لشرم الشيخ
بالنسبة للقاهرة
الجو في هذه الفترة سيكون رائع
فالرحلات الصباحية ستكون روعة
ممكن ان تذهب الي احدي المراكب اللي علي النيل في الصباح
و ممكن الذهاب الي الهرم ستكون رحلة ممتعة - المتعة هناك هي ركوب الخيل و اعتقد انه هيكون صعب عليكي في وجود طفل صغير
و طبعا لابد من الذهاب الي مجمع الفنادق و المول الخاص بستي ستار في طريق النصر - مدينة نصر
فيه هناك محلات كتيرة و مطاعم اكثر
ممكن طبعا رحلة الي القناطر الخيرية - رحلة ظريفة جدا
طبعا في رحلة بتكون ظريفة لكن صعب شوي
و الي الذهاب الي محافظة الاسماعيلة للغداء هناك و تكون الوجبة سمك طبعا
الرحلة دي احنا بنعملها في يوم نسافر نتغدي و نقضي اليوم هناك و نرجع
هذا ما يحضرني الان
الاهم اخد ادوية الطفل لانك اكيد هتجدي اختلاف الانواع هنا
طبعا الادوية هنا ارخص من الدول العربية
فقبل عودتك باذن الله لبلدك روحي صيدلة و بضعي
اختي تعيش في بلد عربي قبل سفرها ذهب الصيدلية لشراء الادوية و الله بتصل الي 300ج من كثرة الادوية و رخصها
بصي يا ستي البامبرز هنا ليس في جودة الموجود في الدول العربية و اكبر مقاس هنا رقم 4
لاني اعرف ان الدول العربية بها رقم 5
فخدي احتياطك
و اتمني ان اكون افدتك
و ان شاء الله رحلة سعيدة
و اي مساعدة انا حاضرة
تحياتي