منتدى عالم الأسرة والمجتمع - عرض مشاركة واحدة

04-11-2007, 10:40 PM

ماريا

عضو المنتدى الفخري

تاريخ التسجيل: Jul 2006

المشاركات: 10,538

طريقة عمل الشيشبرك الحلبي

السلام عليكم و رحمة الله و بركاته

شوفوه و عطوني رأيكن

أول مرة بعمله على أصوله (مع العجين المحشي ) عادة بعمل ششبرك كاذب (بالمعكرونة)

المكونات

1 كغ لبن (انا عملت نص كغ)
2 فص توم مدقوق
كزبرة ناشفة
سمن أو زيت

حشوة العجين
100- 150 غرام لحم مفروم
بصلة
جوز مفروم
صنوبر
ملح
بهار أو فلفل أسود (حسب الرغبة)

مكونات العجين

1 و نصف كوب طحين
ماء
ملح

الطريقة

أول شي نحضر حشوة العجين إما منخلطهم مع بعض بدون طبخ
أو ممكن نطبخهم
انا طبختهم
أول شي نقلي البصلة و بعدها نصيف اللحمة و المكسرات (ألجوز و الصنوبر) ممكن تختاري شي تاني

بعدين نحضر العجين البسيط اللي هو عبارة عن طحين (دقيق ) و نضيف قليل من الملح و بعدين ندعك باستخدام اليدين و نضيف الماء شوي شوي حتى يكون متماسك من دون ما يطلع رخو جداً و لا ناشف

يعني وسط

نفرد العجين على سطح مستوي و نقطعه لقطع صغيرة مدورة كما في الصورة

نضع الحشوة و نسكرها بهذا الشكل

(الصورة مكبرة عن الحقيقة )

بعدين منلصق النهايتين مع بعض بهذا الشكل

نتركهم على طرف

نضع مقدار كوب من الماء على النار حتى يغلي و نضيف العجين المحشي نغليها على مراحل حوالي دقيقتين فقط

لا تخافوا هي لمعة الفلاش بالصورة

نتركها على طرف

تحضير اللبن

نضع كمية من اللبن حوالي كيلو مثلاً و ملح و ممكن تضعي بيضة حتى ما يفصل عن بعضه
(بعض الناس تضع ماء +نشاء)

النشاء يلزم اذا كان اللبن قليل الدسم أو كثير المرق عادةً لبن الضأن لا يحتاج النشاء بينما البقري ممكن يحتاج .

و نخلطهم جيداً في الخلاط
صفي اللبن في طنجرة بالمصفاة (اذا كان يحتوي النشاء يلزمة تصفية مشان ما يكتل )

نضع الطنجرة على النار و نحرك بشكل مستمررررر بدون توقف و باتجاه واحد حتى يصل لمرحلة الغليان نضيف الششبركات (العجين المحشي)

بعد الغليان بدقيقة واحدة نطفي النار

نقلي التوم و الكزبرة و نضعه على الوجه

و هنا و عوافي

__________________
.
.

استودعتك أهلي في سوريا يا من لا تضيع ودائعه

التعديل الأخير تم بواسطة ماريا ; 14-04-2012 الساعة 07:06 PM