اخي الكريم / زوج في المستقبل

اثرت سؤال جدا مهم بالنسبة لي

اي نعم الزواج يعين على الطاعات ويقرب لله سبحانه وتعالى

تدري ليش

لانه احيانا الانسان الوحيد يتكاسل ويتقاعس ويقول بعدين بسوي بعدين بنجز اعمالي

لكن ادا كانوا اثنين وثلاثة واربعه بيتعاونون على انجاز شي معين وبيكون اتقانه اكثر من اتقان الشخص الواحد

صح ماتنطبق اقاعدة على كل عموميات الحياة

لكن في الزواج اي نعم روح الجماعة والفريق يؤدي الى الطاعة والتقرب لله سبحانه

اكبر مثال بالنسبة لي زوجي

كان شخص فقير (فقير الدين والايمان) ارادته ضعيفه بس وازعه الديني موجود قليلا من الخوف من الله وضميره حاضر بس الوحدة وزملائه كانوا سيئين والشيطان شاطر بكل معنى الكلمة

تزوجته انسان يصلي فرض واربع فروض لاء اعترف لي انه كان يلعب مع بنات الهوى خصوصا ادا نزل بلدي
يسمع اغاني مستهتر يعاكس الفتيات في المجمعات يمارس العادة السرية يشوف افلام

انصدمت بداية لكن حطيت لي هدف (هدف اصلاحه)

وحاولت معاه لقيت صدود منه كثييييييرة وأيأس منه واتركه وارجع احاول فيه

بديت بالصلاة لانها ان قبلت قبل ماسواها ولانها تنهى عن الفحشاء والمنكر

اصلي امامه اشغل قرآن على طول انصحه بالكلام واللين وبالغصب وبالاميلات واقرأهم معاه ودائما في قلبي دعائي له بالهداية والصلاح
عرضت مشكلتي هنا والجماعة ماقصروا الحمدلله نصحوني واخذت بمعظم نصايحهم

التزم بالصلاة واحيانا يرجع يتكاسل ولكن مشت الامور
والحمدلله الحين يصلي مايترك ولا فرض وجيت لسالفة الاغاني انا كنت اسمع بعد بس لما حطيت في بالي هدفي زوجي الحمدلله تركتها حطيت له اشرطة اناشيد بداية وبعدين محاضرات اسلامية

وتجاوب بسرعه

ترك العادية اسرية لاني كنت اخوفه من الله وعذاب الله ورؤية منكر ونكير له في كل فعل يسويه
تدري الادهى من كل امر انه يصارحني انا اليوم سويتها لكن الحين يخجل ويقول مادري شلون انا كنت اقول لك

مكان الفنادق الي كان يرتادها صار مايروح المنطقة هذي لو شنو يصير (تاب الحمدلله )

صار حريص على الصلاة واذا تكاسلت انا لصلاة الفجر يصحيني

بعد الحمدلله التزامه بالصلاة هدينا الشوي الموضوع وخليته يراجه نفسه وحساباته اكثر

بعدين قلت احاول فيه على صلاة الليل

وسويت له ليلة رومانسية هادئة محفوفة بالشموع واصوات الدعاء والقرآن وفيها صلينا صلاة الليل

نسوي مسابقات الحين من يختم القرآن قبل الثاني

من تجتمع عنده نقاط اكثر من الاستغفار التسبيح وصلاة الليل في اليوم نرصد الدرجات لنهاية الشهر

نجلس نستمع محاضرات اسلامية ونتدارسها
او الاقوال المأثورة وتفسير القرآن

رحنا العمرة الحمدلله

الحمدلله صار من يعينوني على الطاعات ومن اطيعه على الطاعات

هو اصلا فاهم وعاقل وعنده معلومات حلوة والحين زادت صار من يبحثون دائما ويتطلعون في الكتب الدينية والمحاضرات الاسلامية وصار التزامه احسن مني

يروح المسجد بس قليل جدا اذاكان في يوم اجازة ومرة في الشهر

كله بتوفيق من رب العالمين


تدري ليش لاننا اثنين ونشجع بعض وكل واحد يحاول يكسب عن الثاني الثواب والحسنات
وبحد ذاته الزواج طاعة ومغفرة وتحصين عن الحرام وسكينة واستقرار وايمان

وان شاء الله يكون من مرتادين المساجد عما قريب باستمرار وبشكل يومي

الله كريم


بالتوفيق جميعا

__________________