بصراحه انا اشوف انك تبقين ببيتك اللي سويتيه على مزاجك وتتقربين من بناتك وعيالك قد ماتقدرين وتفهمينهم وضع ابوهم وتخلين الابو بعالمه يعني زوجة بالاسم لا تحاولين تنصحينه ولا تصلحين وضعه والحمدلله الحين تقدرين تتوظفين احسن وظيفه وتصرفين على نفسك وعيالك وهو طنشيه لا تخدمينه ولا تحاولين تسولفين معاه وخليه يسافر ويشوف الدش ويسوي اللي يبيه اعتبريه زي الجدار في البيت..
المهم تكونين قريبه من عيالك واشغلي وقتك بالعمل وتربية الاولاد وممكن دورة لغة او كمبيوتر او اي شي يشغل وقتك ولا يخليك تحتكين فيه وقولي له انت حر بس شرطي ماتدخل علي حرمه في هذا البيت اذا بتتزوج اجر لها شقه واكتبي هذا الشرط بينكم وخليه يتزوج يا شيخه هو اصلا ضعيف جنسيا يعني بيحاول يتزوج قدامك عشان يقهرك ويبين لك انه فحل ويقدر يتزوج وحده احلى منك وفي الحقيقه هو انسان محطم يبي ينتقم منك لانك تفوقتي عليه..
يعني شقي الورقه اللي كتبوتها وخليه يتزوج لين يشبع ما فيه حرمه بتستحمله وخليه يعيش حياته وادعيله في جوف الليل ان ربي يهديه اما انتي مابيدك شي تسوينه..
لكن اولادك حرام عليك لا تتركينهم بالذات البنات والمراهق حراااااااااام يضيعووووون مساكين مالهم ذنب عوضيهم عن ابوهم غرقيهم حب وحنان وتمسكي فيهم ولا تتخلين عنهم ابدااا لانك مارح تسامحين نفسك طول عمرك لو صار فيهم شي لا قدر الله..
|