ياخوي ممكن زوجتك ماعندها خفة دم بس أكيد عندها مزايا ثانية أحسن من خفة الدم ، انت شوف مزايا زوجتك وحاول تنميها فيها بالكلام الحلو .. عشان تخليها مع الوقت تاخذ ثقة عمياء في قدراتها ، أنا أعرف ناس ماعندهم خفة دم بس لما تقعد معهم تنبسط من سوالفهم .. يعني ربي أعطى لكل واحد ميزة ماظلم أحد ، أنت خلك في زوجتك ، وإذا زوجتك تكلمت لك عند بنت قول لها ماأبيك تتكلمي لي عن أحد كلمني عن نفسك .. كيف كانت دراستك ، كيف كانت طفولتك ، كيف كنتي تفكري وأنتي صغيرة < صدقني راح تستمتع ، بعدين أنا الاحظ أن الحب مايتمكن من القلب الا إذا الواحد صار يسرح في الصلاوات .. أنا صارت لي فترة لكن لما رجعت أخشع في الصلاة ، ماصرت أفكر زي أول ، فأول علاج لك الخشوع في الصلاة .. لاتخلي صلاتك بجوارحك خليها صلاتك بقلبك .. عشان ينشرح صدرك وتنحل مشاكلك < هذا اللي قريته في المنتدى أمس ، بس ماعندي رابط الموضوع ولا كان حطيته ولاتنسى أخوي الأكثار من الاستغفار ، وصدقني في زوجتك مزايا ماراح تلاقيها في ذيك البنت وفي ذيك البنت عيوووب ماهي موجودة في زوجتك لا ويمكن لما تتزوجها تكرها من عيوبها ولا من أخلاقها .. بس هذا كله من الشيطان ، وأكثر من قول اللهم أجعل زوجتي قرة عيني لي وأجعلني قرة عين لها .