منتدى عالم الأسرة والمجتمع - عرض مشاركة واحدة - علاج مجرب للعقم والكثير من الامراض ..

24-10-2007, 11:25 PM

العازم

موقوف

تاريخ التسجيل: Jan 2006

المشاركات: 1,321

القصة الثانية عشر

انا بقولكم نصيحتي لوحده من صديقاتي فاتها قطار الزواج

اعطيتها الادعيه الموجوده في عالمنا عالم حواء وقلت لها تحري اوقات الاجابه وابعدي عن كل الملهيات وافضل مكان السطح بعيد عن الملهيات والصور والاشياء اللتي تطرد الملائكه وادعي بهاالادعيه من قلب وخصوصا قبل اذان المغرب بربع ساعه واحسني الظن بالله عزوجل وانه مايخيب دعوة راجيه وكثري من الاستغفار طول يومك وحاولي ان قدرتي تقرين سورة البقرة كل ليله وتتسنين وتدعين باللي تمنينه بعدها والله ثم والله ان تشوفين ماتمنيتيه وان الله مايردك

وصديقتي اخذت بنصيحتي عن قناعه وسوت اللي قلت وكلها امل برب العالمين انه مايردها

اقسم بالله العظيم خلال اسبوعين وهي مخطوبه لشاب من خيرة الشباب وبعد اسبوعين ثانيه تملكت عليه والحين متزوجه والى الان ماتركت الاستغفار صار لها 9 شهور متزوجه تقول كل يوم صرت استغفر واحمدالله واشكره على النعمه اللي انا فيها ومنعت زوجي من دخول التلفزيون بيتنا ومع الدعاء والاستغفار صار زوجها ملتحي ومايترك قيام الليل مع انه في البدايه بس يقوم بفروضه...لاتتهاونون يابنات بالاستغفار

القصة الثالثة عشر

قصتي فضيعة تعالوا اسردها حبة حبة .
كان معي زميلة تحكي لنا نحن البنات ايام الكلية قصص رائعة مفيدة الله يذكرها بالخير .
المهم ما اطول عليكم حبيباتي ..
تقول فيه وحدة من قريباتها كانت تعاني من عدم الانجاب لسنوات عديدة والبنت هذي لا تعمل رغم انها متخرجة من كلية التربية الادبية اللي في الملز قبل ان تكون مجمع .\الكليات المهم ظلت فترة تحاول في الانجاب اوحتى وظيفة تسليها وتشيل عنها هم التفكير في العيال وكان هم زوجها رغم هذه السنوات العديدة الاتحمل ببنت لان جماعتهم باقي عندهم فكرة الولدولاالبنت .
بعد الطفش من لمراجعات في العيادة قابلت بنت ملتزمة حافظة لكتاب الله كما قالت فسالتها البنت اش فيك حزينة ومكتئبة لا يكون احدالعيال تعبان فصاحبتنا سقطت دمعتها وقالت من وين ياحسرة ما في البيت الا دمى لكل واحد له اسم فعندي خالد ومحمد وصالح باسم ابوية ونورة باسم امي . قالت وحدي الله وما ابغى اشوف احد اليوم زعلان لان اليوم اتممت تسميع اجزاء القران على المعلمة (بنات على فكة صاحبتنا ام الدمى التحقت بدار ذكر في اسمه دار القران كان تعرفونه .)فحكتلها البنت السالفة من الى وكيف ان زوجها يعاملها الشين لاجل الانجاب ويهددها بالاخرى والبنت تحبه وتتمنى الموت ولا الضرة .
المهم قالت الملتزمةوكلنا ان شاء ربي ملتزمات بطاعته ولانزكي انفسنا ؟الزمي الاستغفار وان لم يتبدل حالك

شاء ربي فلا تسميني فلانه .

سبحان الله بعد فترة حملت البنت وفي نفس الشهر نزل تعيينها في منطقة النماص في الجنوب وبعد تسعة اشهر بشرها الدكتور بمولود اسمته (عبد الله )وبعد النفاس فقط باشهر قليلة حملت
وكانت نهاية مانقلته زميلتنا عنها
اعطاها الله الولد((البنين ))
الوظيفة ((اموال ))
الجو الرائع الممطر ((يرسل السماء عليكم مدرارا ))

سبحان اللةقلت وقولك الحق . ما رايكم في القصة التي لا زلت اذكرها من سنوات

القصة الرابعة عشر

هذي قصة حقيقيه صارت في االاجازه الصيفيه اللي فاتت

وحده من صديقات امي ضعيفه ماعندها عيال وزوجها كبير في السن ومريض مايوصل حتى الحمام

اكرمكم الله وحالتهم المادية اسواء من السيئه علاج زوجها في الاسبوع مية ريال

وماعندهم مصدر دخل معتمده على الناس وصدقاتهم المهم في الاجازه كل اللي يعرفونها

ويعطونها سافرو طبعا من ضمنهم الوالده الله يحفضها...

تقول صديقة امي وصلت مرحله مافي بيتنا الا المويه فقط ...والرجال له اسبوع ماخذ علاجه وصار بين

الموت والحياة يستفرغ الله يكرمكم دم...تقول جلست استغفر واستغفر تقريبا

استغفرت 1500 الف وخمسمية مره وكبرت اصلي مادريت الا بطفل يطق الباب واسمعه

يقول خاله خاله تقول كملت صلاتي وبعدها فتحت الباب مالقيت احد..رجعت اصلي وادعي

الا اسمع وحده تطق الباب تقول بيت فلان تقول جيت بسرعه وفتحت قلت ايه بيت فلان تقول

رمت علي ظرف وسكرت الباب بدون ماتتكلم تقول لما فتحت الظرف لقيت فيه الف وخمس ميه

ريال...تقول ماتتخيلون فرحتي عرفت ان الله ماينسى عبيده وان هذا ثر استغفاري الله ارسلي رزقي ورزق زوجي المريض
.........................

القصة الخامسة عشر

كنت وانا ادرس في التحفيظ اشوف حرمه كبيرة شوي بالسن مغربية ومعها بنت صغيرة تهبل وكنت دايما اطالع البنت واحاول اضحك معها لأنها عاجبتني الله يخليها لأمها
المهم شافتني امها كذا مع البنت وبدت كل ما تشوفني تسلم علي وتحاول تتكلم معي وقالت لي مرة انتي متزوجه قلت لها لا لان وقتها كنت ما بعد تزوجت قالت تدرين شسالفة بنتي هذي قلت لا قالت اني ما انجب بسهوله لازم علاج وحاله وما عندي غير بنت وولدين وكلهم بالمدارس وكنت ابغى لي طفل قبل ما اوقف ولجأت للإستغفار كنت استغفر خمسمية مرة باليوم لمدة 3شهور ويوم حسيت كأني اتوحم ورحت حللت وتفاجأت اني حاااااااااامل بالبنت اللي معي وقالت إذا انتي تبين تزوجين سوي مثل ما سويت وشوفي وفعلا طبقت كل اللي قالت لي وما قعدت كم شهر الا وانا مخطوبه من شااااااب ملتزم وهو زوجي الآن والحمد لله انا جدا مبسوطه معه ومو مقصر معي بشي الله يخليه لي ولبنتي آآآآمين

المفاجأة

هل تريدين ان تستغفري 500مرة بسهولة وبوقت قياسي جدا؟!!

إليك الطريقة/

افردي احدى يديكي ستجدين في كل اصبع ثلاث عقل سنستخدم عقلتين فقط من كل أصبع ،
استغفري 10مرات في كل عقلة أي 10+10=20مرة في الاصبع الواحد
ولديكي خمس اصابع في اليد المستخدمة للاستغفار اذا//

20*5=100مرة

اذا كررنا العملية خمس مرات فسينتج التالي//

100*5=500

وان لم تودي الاستغفار 500مرة فيكفي 100مرة امتثالا للحبيب المصطفي صلى الله عليه وسلم حيث كان يستغفر في اليوم مئة مرة

فيكفي أن تفعلي هذه التجربة المسلية مرة واحدة في اليوم ولن تأخد منكي سوى دقااائق معدودة لكن بالمقابل ستكسبين الكثير الكثير من الحسنات والفضائل

تقبل الله مني ومنكم صااالح الأعمال ..

فأن اعجبك موضوعي فل تقل لي شكراِ او...او...بل قل اللهم اغفر له ولوالديه والمسلمين جميعا ما تقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين.واجعل دعاءهم مستجاب في الدنيا والآخرة .
اللـهم آميـن..
..