منتدى عالم الأسرة والمجتمع - عرض مشاركة واحدة

23-10-2007, 10:28 AM

#26

روح الغالي

كبار شخصيات المنتدى

تاريخ التسجيل: Aug 2005

المشاركات: 9,203

السلام عليكم ورحمة الله وبركاته

اخي الكريم\\ الله يحفظك ويحيمك

مافيك الا العافيه لاعين ولاسحر ولا هم يحزنون

كل مافي الموضوع شوي صبر وتوكل على الله

صدقني وانا اختك اللي ربي كاتبه بيصير

وماعليك من ان في بنات نفسهم فيك ومن هذا الكلام

توكل على الله

ابتعد عن المعاصي

استمر بالتقرب الي الله اكثر واكثر

اكثر من الصدقه

والاستغفار والدعاء

ولاتقول دعيت ومااستجاب

صدقني بيوم بتلاقي نفسك عند باب اهل العروس وبعدها بأسبوعين بتلاقي نفسك ملكت عليها وبعدعا بشهرين انت متزوج

بتشوف كيف السهوله والتيسير من رب العالمين

وقول روح الغالي قالت

صدقني راح تشوف الموضوع مثل الحلم وانت بنفسك راح تتفاجأ

المهم حبيت اذكرك بحاجه مهمه

خلال هذي الفتره اللي انت تنتظر فيها العروس

حاول تجمع فلوسك ولاتصرفها في سفريات

احكي لك قصة اخويا الكبير

تعبنا واحنا نبحث له على عروس

ندخل بيت ونطلع من بيت مره هم يرفضونا ومره احنا نرفضهم وووو ومره يمشي الموضوع شوي وبعدين يرفضون وعلى هذا المنوال

الين مره اخويا طفش ووسوس عليه صاحبه قاله ايش رايك نسافر

طبعا اخويا ماكذب خبر وسافر ووسع صدره

وطير الفلوس اللي مجمعها لعروسه

واول مارجع قالت له امي في بنت ناس كذا وكذا ونبغا نخطبها لك

وسبحان الله من اول خطوه مشيت باقي الخطوات

خطوبه على ملكه على زواج كل الموضوع مااخذ 4 اشهر

هذا اللي اخرنا انه طير فلوس المهر

اللي كان مجمعها ولا كان من قبلها متزوج

المهم والخلاصه::

جمع فلوسك ولاتصرفها على الفاضي

ترى الزواج يبغاله حسبه

وتوكل على الله

وبيجيك النصيب بإذن الله

لحظه نسيت اقولك شي

شفت التنازلات اللي قلت انك تنازلت عنها عشان بس تتزوج ؟؟؟

صدقني بتلاقي احسن وافضل وفوق ماكنت متصور راح تلاقيه في بنت الحلال اللي هي زوجتك

اهم شي خليك متفائل ومستبشر بالله

وراح تشوف الخير من ربي

واخيرا

اسأل الله العظيم رب العرش العظيم

ان ييسر امر زواجك ويرزقك ويرزق جميع شباب المسلمين الزوجات الصالحات

ويرزق بنات المسلمين الأزواج الصالحين

__________________

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا