منتدى عالم الأسرة والمجتمع - عرض مشاركة واحدة

21-10-2007, 05:15 PM

مــريم

موقوف

تاريخ التسجيل: Feb 2006

المشاركات: 14,194

اقتباس:

المشاركة الأصلية كتبت بواسطة أم وداد

اشكركم كلكم .. بلا استثناء والله ريحتوني...

اليوم شفت زوجي.. وكان بيننا حديث طويل.. في موضوع حساس ولاول مرة نتكلم من غير زعل بالعكس احس براحة واليوم بالذات اتاكدت ان زوجي وحبيبي اتغير... وقال لي انه ماراح يفشلني ابد .. وشرحتله الوضع وقلتله ان اهلي ماخذين منك موقف ومن هالكلام وقال بيحاول قد مايقدر بانه يصلح كل شي وانه يسترد ثقتهم فيه مرة ثانية ..

فرحتيني والله يا أم وداد ..
الله يخلي لك زوجك ويخلي لكم بنتكم ويرزقكم بأخوان لها وأخوات <<<<<< يارب مايجي الشهر الجاي إلا ببشارة حملك ..
أمك زعلانة لأنها تحبك وخايفة عليك ويؤلمها ألمك ..
لكن لما ترجعين لزوجك بإذن الله وتلاقينه تغير والله اصلح حاله وهداه لكم بتبين الفرحة والراحة في نفسيتك ..
وبتلاحظ أمك هذا الشي إن شاء الله ..
دايما أمدحي زوجك ..
وخليه يكبر بعيونها ..
وقولي لها صار رجال ثاني ..
وأنك مبسوطة ومرتاحة ..
وإذا جاب لك هدايا مثلا أو طلعتوا وأنبسطتوا خبريها بهالأخبار المطمئنة ..
ولو لا سمح الله صارت مشكلة صغيرة ( وهذا شي عادي عند كل الأسر ) لا تبينين لها ابدا ..
وإذا تعبتي وتبين تفضفضين تعالي عندنا .. بس لا تفتفضين عند أمك .. الله لا يجيب الزعل يارب ..
وإن شاء الله بتشوفين نظرتها تغيرت ..