رأيي من رأي الأغلبية أنت غلطانة ..
تقولين إذا الواحد جاه نوم ينسى نفسه ..
لما كنت مع أهلك مانسيتي نفسك وقت النوم ..
وفضلتي السهر على النوم ..
ودامك قدرتي تسهرين بالساعات وتقاومين النوم ..
تقدرين تقاومينه ربع ساعة تعملين فيها فطور لزوجك إللي تركتيه الليلة السابقة ..
كان المفروض إنك تسأليه عن الفطور أول ماتركبين السيارة ..
وإذا قال لك مافطر تقولين له وش رايك تاخذ من المطعم لأني تعبانة وما أقدر أسوي شي ..
إذا رفض ..
خلاص أمرك لله .. أضغطي على نفسك شوي عشان خاطره ..
أنا متعودة إذا زوجي رجع من برع بأي وقت أسأله إذا أكل شي أو يبيني أعمل له ..
والله أحيانا يرجع نص الليل وأنا نايمة ويجي ينبطح جنبي على السرير ..
أقول له تعشيت ..؟؟
والحمد لله غالبا لما يشوفني نايمة مايحب يقومني عشان أعمل له شي ..
ويروح الثلاجة يبحث عن اي شي ياكله ..
بس في بعض الأحيان يكون جوعان كثير وتعبان يبي من يدلعه ..
طبعا من عيوني لو إني ميتة من التعب ..
أختي الحبيبة ..
إنتي لأنك اشتكيتي في المنتدى ..
تبين الأعضاء يوقفون في صفك ..
وهذا مو من طبعنا ..
إنتي سألتي مين الغلطان ..
وإحنا شفنا الموقف إنك إنتي الغلطانة ..
ماراح نطبطب عليك ونقول إنك صح وهو غلط ..
بعض الأعضاء إذا ذكروا مشكلتهم وبينا لهم غلطتهم ..
يندمون ويشعرون بالخطأ ويحاولون يصححون أخطاءهم ومايكررونها مرة ثانية ( ومن ضمنهم أنا ) ..
لكنك زعلتي لما قلنا الحق ..
وهذا أكبر خطأ ..
إذا ماتتقبلين الانتقاد فالأفضل إنك ماتطلبينه من الأساس ..
نتواجد هنا لنقول راينا بصراحة ..
فلا تزعلي من صراحتي وقوة اسلوبي ..