منتدى عالم الأسرة والمجتمع - عرض مشاركة واحدة

16-10-2007, 12:58 PM

مشاعر مرهفه

قلم مبدع

تاريخ التسجيل: Mar 2005

المشاركات: 1,063

حبيبتي انتي مو لوحدك ..

انا ايضا لدي نفس المشكله ..

ووصلت لمرحله من التبلد لدرجة انه لم تعد لدي القدره حتى على الشكوى مما انا فيه ..

لا لاهلي .. ولا لصديقات مقربات .. ولا حتى هنا في المنتدى ..

والان قرأت مشكله لاخت هنا اسمها nihal_ib .. ولديها نفس المشكله ..

اصبحنا ثلاث ونعاني من نفس المشكله باختلاف الدرجات ..

واظن ان السبب الرئيسي لما نحن فيه هو طول فترة الخطوبه ..

انتي مخطوبه منذ اقل من سنتين وهي منذ سنه ..

وانا بينكم احطم الرقم القياسي لأني مملكه من ثلاث سنوات ونصف ..

بالنسبه لموضوع الضرب .. ما اظن خطيبك يعني كلامه هذا ..

انا خطيبي من ثلاث ايام كان يعاتبني على كلام قلته له ..

وقال لي اني لو كنت قدامه ذاك الوقت كان كسر لي راسي ..

اظنه هذا مجرد استعراض عضلات منهم عشان يعرفونا انهم هم الرجال ..

وهم اصحاب الكلمه الاولى والاخيره ..

يعني يوم يهدد ويتوعد .. معناه انك لازم تفهي انك زودتيها حبتين ..

وصار لازم تهدي اللعب شويه ..

مره ثانيه يوم يقول لك انه بيضرب او اي شئ .. حاولي تمتصي غضبه ساعتها ..

قولي له خلاص خلاص مايحتاج ..

أبسمع كلامك من الان وطالع وانفذه حرفيا من دون قيد او شرط ..

او حتي عاتبيه برقه او بدلع او بحزن .. وقولي له اهون عليك انا زوجتك حبيبتك .. والرسول صلي الله عليه وسلم وصاك فيني ..

ويوم يهدى ارجعي كلميه وفهميه انه مايصير كلامه هذا ..

بس لازم تختاري الوقت المناسب والكلام المناسب والطريقه المناسبه .. يعني نغمة الصوت المناسبه ..

اظن اخر مره كلمتيه كان في خطأ في وحده من هذولي عشان كذا هب فيكي بالطريقه هذه ..

وانتي اولا واخيرا حبيبتي حاولي انك ماتكثري من الدلع عليه ..

او افتعال المشاكل بالطالعه والنازله بس عشان يقعد يصالحك بعدها ويتحايل عليكي ..

ولا حتى من الفلسفه والمناقشات علي الفاضي والمليان ..

وابداء الرأي في كل صغيره وكبيره ..

واتركي له مساحه حريه عشان يثبت فيها قوامته ورجولته وشخصيته امام نفسه قبل مايكون امامك ..

لأنه يحتاج لهذا ..

والله يصلح احوالنا جميعا ..