اخوي الكريم مثل ما قالت ندى باين عليك انك منفعل جدآ
بس ياخوي لا تاخذ الموظوع بالعناد والانفعال هذا زواج انت ما اخذتها عشان تكسر خشمها وهي ما أخذتك عشان تحطك خاتم في اصبعها (وجعلنا بينكم مودة ورحمه) لازم كل واحد فيكم يتنازل ويكلم الثاني ترى ياخوي قوه الشخصيه بالرحمه للمرأة وليس القوة والعناد الرسول صلى الله عليه وسلم استوصى بالنساء ومثل ما انت لك حقوق عليها وحقوق كبيرة اوصى بها الدين هي بعد لها حقوق عليك ومنها ((الحلم ))
بعدين ياخوي يوم حجزو اهلها لقضاء ليله الدخله لكم اعتبرها بمثابه الهديه من والديها لان الظاهر ان مدينتك بعيده شوي عن الفندق المقام فيه الزواج ويبون يريحون بنتهم ويريحونك من المشوار الطويل ليه معتبرها اهانه وترى بعض الهوتيلات اذا حجزت قاعه زواج عندهم اعطوك غرفه للعرسان هديه (ويمكن هذا اللي صار ) بعتقادي انك كسرت بخاطرهم وهاذا اللي خلاهم يزعلون (انا ما اعطيهم العذر لهذا التحقيق اللي سواة معك والد زوجتك 12ساعه!!)
كلمه اخيرة ياخوي راجع نفسك ترى المرأة تجي بالكلمه الطيبه ان مرأة واقولك صدقني اذا دقيت عليها وقلت لها انك اشتقت لها راح يروح كل اللي بينكم ان شاء الله
اللهم انزل عليكم السكينه والمودة والرحمه وابعد عنكم الشيطان يارب العالمين
__________________
اللهم أني أمتك بنت عبدك بنت أمتك ناصيتي بيدك ماضي في حكمك عدلن في قضاؤك اللهم اني اسألك بكل اسمن هو لك سميت به نفسك أو وضعته في كتبك أو علمته احد من خلقك أو ستأثرته في علم الغيب عندك ان تجعل القرآن الكريم ربيع قلبي ونور صدري وجلاء همي وذهاب حزني