لا حول و لا قو الا بالله

والله حاسة فيج اختي و اعترفلج اني مرت علي فترة كنت في حالة مشابهة لحالتج .. بس انا زوجي كان مسافر و طول في السفر و غلبتني الشهوة .. بس الحمد لله لحقت نفسي قبل ما يوصل الوضع لادمان ما اقدر اخليه .. انا اللي سويته اني كلمت زوجي و فهمته بالتلميح مو التصريح (بس تلميح واضح ما يحتاج ذكاء عشان ينفهم) خليته يفهم اني محتاجة وجوده خاصة ان الزوج طبعا يقدر يفهم زوجته بعد فترة من الزواج و يعرف قوة شهوتها و انا زوجي عرف من البداية ان غريزتي قوية و هو عودني على ممارسات مستمرة من تزوجنا فطبيعي اني اتعب يوم يسافر عني شهور .. طبعا انا خبرته عالتلفون و الوضع اكيد كان فيه احراج لي بس انا فكرت اني انحرج شوي من زوجي و لا اني امشي في طريق الحرام .. لان افلان النت و ممارسة العادة السرية شي خطير وايد واللي يدمنه مو مضمون وين بيوصل .. لانج بعد فترة من ممارسة العادة السرية بتتعبين نفسيا و تحسين بالذنب و سعتها حتى لو حاول زوجج انه يمتعج بتكون متعة ممزوجة بالالم و الذنب .. و غير هذا بتكونين اتعودتي انج تمتعين نفسج بطريق معينه فيكون اصعب انج ترتاحين مع ريلج خاصة انه على حسب ما فهمت ضعيف جنسيا

الحل الوحيد انج تكلمينه .. لا تعترفيله انج تشوفين افلام او تمارسين العادة .. و لا تجرحينه او تعايرينه بضعفه .. كلميه بهدوء اتقربي منه .. و لو مو قادرة عالكلام بينيله بالتصرف .. قربي منه احضنيه بوسيه ابدي معاه بحركات تبيت شهوتج .. حتى لو ما اتجاوب او قالج بصراحة انه ما يبغي قوليله انج بس تبين تكونين في حضنه او حتى تمسكين ايده بس .. و شوي شوي اتظاهري ان اللمسات هذي تشبعج جنسيا مع الوقت هو بيفهم انه لو لمسج بطريقة معينه بتشبعين و اعتقد بعدين هو بيسويها بنفسه عشان يسعدج . المهم انج تبدين ... و يوم تحسين بشهوة بدال ما تروحين للنت روحي لريلج و احضنيه .. حتى لو كان راقد و جوده في حضنج بيكفيج ..

تحياتي