شوف أخوي مجاهد

انا أقولك من واقع تجربة


أخوي تزوج وحده من أول ليله قال ما قدرت أحبها كرهتها لدرجة أنه كلم أهلها وقال بنتكم (بنت) تعالو خذوها ما ابغى أخربها خليها تشوف نصيبها ما حبيتها..وكل من يقوله لا حاول تحبها جرب طيب إدخل عليها يمكن تتغير نفسيتك
البنت ظلت معاه (بنت )ما قدر يقربها من كرهه لها يمكن شهر وبعدين لما ما قدر يطلقها لأنهم أقارب وخاف من كثرة ما يضغط عليه ابوي بأن يستمر بالحياة معاها علشان الناس وهكذا

قال خلاص يمكن كلامهم صحيح ..يمكن أحبها ..المهم لما دخل عليها زاااد كرهه لها وللأسف أنها حملت مباشره الشئ هذا جاب لأخوي حاله نفسيه ..طبعا وداها لأهلها وقال لهم أنتم ظلمتوني وظلمتوها

طبعا طلقها والآن اخوي له من طلقها عشر سنين ما تزوج بعدها ..كان يقول لما أضمن أنها تزوجت وصارت سعيده أنا أتزوج.. هي تزوجت وبنتها اللي من اخوي بينهم رايحه جايه ..وأخوي ما تزوج إلى الأن والسبب غلطت الأهل


يا ناااااااااااااس اللي ما يحب زوجته ولا يرتاح لها من أول الطريق لا يكمل ولا يظلم نفسه ويظلمها معاه خلاص الله ما شرع الطلاق الا لمثل هذه الحالات ...أربع أشهر كافيه أنك تختبر نفسك مو بعد الاطفال تصير الكارثه ويصير الطلاق ويتعذب الاطفال

من اولها يا تقدر تحبها وتكمل الطريق صح ..يا خل البنت تشوف نصيبها مع أنسان تحبه ويحبها والله يعوض كل منكم خير من الأخر

هذا رأيي قد يحتمل الصواب والخطأ ..المعذرة إن كان كلامي لن يعجب البعض لكن هو من واقع أكثر من تجربه شفتها قدامي من صديقاتي وختاما بأخي الله ييسر أمرهم أجمعين

دمتم بخير