اهلا شوبارد

انا مريت بنفس مشكلتك في بداية زواجي .. والدتي الله يخليها لي .. دائم تنتقد اهل زوجي وبيتهم كيف مش على مستوى .. ووالدة زواجي خصوصا وكيف انها ما تعرف السنع على حد قولها واكتشفت انها كانت غيره .. نعم كانت والدتي تغير من ام زوجي .. ظنت اني لقيت بديل عنها .. الله يخليها لي ولا يحرمني منها

وما انكر اني كنت اتضايق .. مش لان كلامها اثر علي او اني استصغرت اهل زوجي .. لا ابدا .. كنت متضايقه لان اللي تسويه والدتي يعكر مزاجي .. وينقص فرحتي

لكن اللحين وبعد 5 سنوات زواج .. امي تحب اهل زوجي كثير كثير .. وتمدحهم .. وتموت في زوجي .. لانهم عرفتهم كيف انهم ناس طيبين ولا مره ضايقوني بشىء وشافتهم كيف انهم يهادوني ويحبوني ..

انتي يا شوبارد .. لا تخلين كلام الوالده يؤثر بك .. خلي شخصيتك مستقله .. ووالدتك بتعرف انك شكثر مبسوطه وبتتوقف عن اللي تسويه .. صدقيني ..

تحملي شوي .. لا تردين عليها .. ولا تسوين الموضوع كبير .. خليها تقول اللي تبغي .. مردها بتمل .. واستمري في خطتك .. دامك ترينها ناجحه ..

والله معاك

__________________